جوبانى ىسكە اسىرۋ ناتيجەسىندە ءبىزدىڭ سپورتشىلار 2024 جىلى پاريجدە وتەتىن جازعى وليمپيادا ويىندارىنا قاتىسۋعا 20 ليتسەنزيا الادى, سونداي-اق 5 مەدال الۋ مۇمكىندىگىنە يە بولادى دەپ جوسپارلانۋدا.
بۇل تۇجىرىمداما قالاداعى سپورت يندۋسترياسىن دامىتۋدىڭ نەگىزگى باعىتتارىن كورسەتەدى. اتاپ ايتقاندا, جاڭا سپورت نىساندارىن سالۋ جانە قايتا قالپىنا كەلتىرۋ, اۋلا سپورتىن دامىتۋ, ءبىلىم بەرۋ جۇيەسىمەن تىعىز بايلانىس ورناتۋ, جالپى ءبىلىم بەرەتىن مەكتەپتەردە رەزەرۆ دايارلاۋ, سپورتتىق جابدىقتارمەن قامتاماسىز ەتۋ, سونداي-اق جاتتىقتىرۋشى كادرلاردى تارتۋ جانە ءوز كادرلارىن دايارلاۋ.
سونىمەن قاتار تۇجىرىمدامادا "Damu" باعدارلاماسى بويىنشا سپورتشىلار مەن جاتتىقتىرۋشىلاردى تۇرعىن ۇيمەن قامتاماسىز ەتۋ, سپورت ينفراقۇرىلىمىن دامىتۋ جانە سپورتشىلاردى دايارلاۋ ءۇشىن جەكە ينۆەستورلاردى تارتۋ ماسەلەسى قارالعان. بۇدان بولەك 2020-2024 جىلدارى قالادا جوعارى دارەجەدەگى جارىستار وتكىزۋ جوسپارلانۋدا.
باسقارما ماماندارىنىڭ مالىمەتىنشە, سپورت يندۋسترياسىن دامىتۋ تۇجىرىمداماسىنىڭ ىسكە اسۋى - قالاداعى سپورت سالاسىنىڭ وركەندەپ, سپورتشىلاردىڭ جارىستاعى جەتىستىكتەرىنەن كورىنىس تاباتىن بولادى دەيدى.
