قازاقستان • 06 تامىز، 2020

ۇشۋ قاۋىپسىزدىگى ورگاندارىنىڭ وكىلدەرى ءۇشىن تەكسەرۋ نىسانى جەڭىلدەتىلدى

53 رەت كورسەتىلدى

قازاقستان رەسپۋبليكاسى قورعانىس ءمينيسترىنىڭ 2020 جىلعى 16 شىلدەدەگى № 327 بۇيرىعىمەن "ۇشۋ قاۋىپسىزدىگى ماسەلەلەرى بويىنشا مەملەكەتتىك اۆياتسيا قىزمەتىنە مەملەكەتتىك باقىلاۋ جانە قاداعالاۋ جۇرگىزۋ قاعيدالارىن بەكىتۋ تۋرالى" قازاقستان رەسپۋبليكاسى قورعانىس ءمينيسترىنىڭ 2017 جىلعى 7 تامىزداعى № 424 بۇيرىعىنا وزگەرىستەر ەنگىزىلدى. بۇل تۋرالى قورعانىس مينيسترلىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

بۇعان دەيىن ۇشۋ قاۋىپسىزدىگى ماسەلەلەرى بويىنشا اۆياتسيا قىزمەتىنە مەملەكەتتىك باقىلاۋ جانە قاداعالاۋ جۇرگىزۋ قاعيدالارىنىڭ 29-تارماعىنىڭ 2) تارماقشاسىنا سايكەس وبەكتىگە تەكسەرۋ جۇرگىزۋ ءۇشىن كەلگەن ۇشۋ قاۋىپسىزدىگى ورگاندارىنىڭ لاۋازىمدى ادامدارى قورعانىس ءمينيسترىنىڭ 2017 جىلعى 20 شىلدەدەگى № 370 "قازاقستان رەسپۋبليكاسى مەملەكەتتىك اۆياتسياسىنىڭ قىزمەتىن باقىلاۋ جانە قاداعالاۋ ورگانىنىڭ اسكەري قىزمەتشىلەرىنە قىزمەتتىك كۋالىكتى بەرۋ، پايدالانۋ قاعيدالارىن جانە سيپاتتاماسىن بەكىتۋ تۋرالى" بۇيرىعىنا سايكەس بەلگىلەنگەن ۇلگىدەگى قىزمەتتىك كۋالىگىن كورسەتۋى ءتيىس بولاتىن.

جوعارىدا كورسەتىلگەن بۇيرىقتىڭ كۇشىن جويۋعا بايلانىستى قۇجاتتىڭ جاڭا مازمۇنداماسىندا، وبەكتىگە تەكسەرۋ جۇرگىزۋ ءۇشىن كەلگەن ۇشۋ قاۋىپسىزدىگى ورگاندارىنىڭ لاۋازىمدى ادامدارى قىزمەتتىك كۋالىكتىڭ ورنىنا جەكە كۋالىگىن كورسەتەدى.

قۇجاتتىڭ تولىق ماتىنىمەن اشىق نورماتيۆتىك قۇقىقتىق اكتىلەردىڭ ينتەرنەت-پورتالىندا تانىسۋعا بولادى: https://legalacts.egov.kz.  

سوڭعى جاڭالىقتار

شيرەك فينالعا ءوتتى

تەننيس • كەشە

ۇقساس جاڭالىقتار