ەكولوگيا • 06 تامىز، 2020

جاركەنت قالاسىنداعى جاعىمسىز ءيىس ماسەلەسى شەشىلەدى

56 رەت كورسەتىلدى

ەكولوگيا مينيسترلىگى الماتى وبلىسىنىڭ جاركەنت قالاسىنداعى جاعىمسىز ءيىس ماسەلەسىن شەشەدى، - دەپ حابارلايدى Egemen.kz اتالعان مينيسترلىككە سىلتەمە جاساپ.

جەرگىلىكتى تۇرعىندار زاۋىتتىڭ تازارتۋ قوندىرعىلارىنان اۋاعا تارايتىن جاعىمسىز يىسكە بىرنەشە رەت شاعىمدانعان. ەكولوگيا مينيسترلىگىنىڭ ارنايى كوميسسياسى وڭىردەگى ماسەلەنى شەشۋ ءۇشىن جاركەنتكە اتتاندى.

ء"بىز قوقىس جينالاتىن ءسۇزۋ الاڭدارىن ارالاعان كەزدە، ىركىلىپ قالعان لاستاۋشى زاتتاردىڭ بارىن انىقتادىق. ودان كەيىن جەرگىلىكتى قوعامداستىق وكىلدەرىمەن كەزدەسىپ، زاۋىتتى ارالادىق. بار ماسەلە ونىڭ جەكە قوقىس تازارتۋ قۇرىلعىسىنسىز جوبالانعانىندا. قالالىق، كوممۋنالدىق تازارتۋ نىساندارىنا سەنگەن. الايدا، 2018 جىلى قالالىق كوللەكتور لاستاۋشى زاتتاردىڭ كوپتىگىنەن، كاسىپورىنعا ءوز قىزمەتىن ۇسىنۋدان باس تارتقان. كوللەكتور ول كولەمگە شىداس بەرمەگەن. سوندىقتان كومپانيا كوللەكتورىن سالعانمەن، قالدىقتى تازارتپاي، تىكەلەي، ءسۇزۋ الاڭىنا قۇبىر ارقىلى جىبەرگەن"، - دەيدى قر ەگترم ەكولوگيالىق رەتتەۋ جانە باقىلاۋ كوميتەتىنىڭ توراعاسى زۇلفىحار جولداسوۆ.

ناتيجەسىندە جۇگەرى وڭدەۋدەن قالعان قالدىقتىڭ كوپ بولىگى ءسۇزۋ الاڭىندا بىجىپ، ب ۇلىنگەن ءيىس شىعا باستاعان. ءسويتىپ، كۇكىرتسۋتەك شىعارىندىسى پايدا بولعاندىقتان، جەرگىلىكتى تۇرعىندار بۇدان زارداپ شەگۋدە.

ەكولوگيا مينيسترلىگى جۇرگىزگەن تەكسەرۋ بارىسىندا كاسىپورىننىڭ ءتيىستى ەكولوگيالىق ساراپتاماسىز جۇمىس ىستەگەنى بەلگىلى بولدى. سول ءۇشىن وعان ايىپپۇل سالىندى.

سونىمەن قاتار ەكولوگيا مينيسترلىگى كاسىپورىندى جاقىن ارادا تولىقتاي تەكسەرىپ شىعۋ تۋرالى شەشىم قابىلداپ وتىر. شىعارىندى دەڭگەيىنىڭ شامادان اسۋى راستالسا، وندا شىعارىندى توگۋگە تىيىم سالۋدان باستاپ، كاىپورىندى جابۋعا دەيىن ماسەلە قويىلادى.

بۇدان باسقا، مينيسترلىك كاسىپورىن شىعارىندىسى توگىلگەن ءسۇزۋ الاڭىن قالپىنا كەلتىرۋدى تالاپ ەتۋدە.

ال كومپانيا تازارتۋ قۇرىلىستارىنىڭ سالىنىپ جاتقانىن ايتىپ، ونى تامىز ايىندا ىسكە قوسۋ جوسپارلانىپ وتىرعانىن حابارلادى. كاسىپورىن ءوندىرىستى ءوز ەركىمەن ازىرگە توقتاتا تۇرادى.

ءوز كەزەگىندە، ەكولوگيا مينيسترلىگى كاسىپورىنعا جەرگىلىكتى اكىمدىكپەن بىرلەسىپ، تازارتۋ نىساندارىنىڭ قۇرىلىسىن جۇرگىزىپ، اياقتاۋ، ودان ءارى مىندەتتى تۇردە سۇزىلگەن شىعارىندىنى عانا تاستاۋ، ءسۇزۋ الاڭىن قالپىنا كەلتىرۋ جونىندەگى جول كارتاسىن ازىرلەۋ تۋرالى ۇسىنىس ايتتى. قابىلدانعان شارالار تۋرالى كەيىن تولىعىراق حابارلانادى.

سوڭعى جاڭالىقتار

ەكپە سالدىرۋدا بەلسەندىلىك بايقالادى

كوروناۆيرۋس • بۇگىن، 14:10

چارلو شايقاسقا شاقىرۋدان شارشامايدى

كاسىپقوي بوكس • بۇگىن، 13:27

ەلوردا «قىزىل» ايماقتان شىقتى

كوروناۆيرۋس • بۇگىن، 09:22

الەم چەمپيوناتى باستالدى

سپورت • بۇگىن، 09:09

قۇندى ەرتوقىم

ەلوردا • بۇگىن، 09:05

تىڭ سەرپىلىس بايقالمايدى

سپورت • بۇگىن، 08:59

اسەرلى «ادەبيەت كۋرستارى»

وقيعا • بۇگىن، 08:54

تاۋەلسىزدىك تاعىلىمى

تاۋەلسىزدىكتىڭ 30 جىلدىعى • بۇگىن، 08:52

ون ءبىرىنشى پالاتا

مەديتسينا • بۇگىن، 08:45

جارقىننىڭ جاقسىلىعى

ايماقتار • بۇگىن، 08:39

تىلسىم كۇشپەن ءتىل تابىسقان

تاريح • بۇگىن، 08:36

قىلقالام ۇشىنداعى قۇدىرەت

ونەر • بۇگىن، 08:35

قازاقستان دالاسى قۇرعاپ بارادى

ەكولوگيا • بۇگىن، 07:55

قۇمعا سىڭگەن سۋداي سۋبسيديا

قوعام • بۇگىن، 07:49

دۇبىردەن تۋعان ولەڭ

ادەبيەت • بۇگىن، 07:39

كۇلكىنى ازايتساق قايتەدى؟

قوعام • بۇگىن، 07:39

ۇقساس جاڭالىقتار