ۆيدەو • 06 تامىز، 2020

حانكولدىڭ اسپانىندا «ۇشقان ادام»

8508 رەت كورسەتىلدى

«وسىدان ون شاقتى كۇن بۇرىن، دالىرەك ايتقاندا 23 شىلدە ساعات 12:37 شاماسىندا قاراتوبە اۋدانى حانكول اۋىلىنىڭ ماڭىندا تىلسىمعا بەرگىسىز وقيعا بولىپتى»، دەپ حابارلادى ورالدىق ارىپتەسىمىز، ولكەتانۋشى نۇرتاس سافۋللين.

توسىن وقيعانى قاراتو­بەلىك ەكپىن تىناليەۆ ەسىمدى ازا­مات بايقاپ قالىپ، بيىكتە قا­لىق­تاپ ۇشقان ادامنىڭ بەي­نەسىن قاشىقتان بولسا دا ۇيا­لى تەلەفونىنا ءتۇسىرىپ ۇلگەرىپتى.

– ازامات ەسىمدى تانىسىم ەكەۋمىز حانكولگە جاقىن ورنالاسقان شارۋاشىلىق باسىنا تاياپ قالعان ەدىك. كەنەت 100 مەتردەي قاشىقتان، جول جيەگىنە جاقىن تۇستان تىك كوتەرىلگەن ءبىر بەي­نەنى كوزىم شالىپ، ماشي­نە جۇرگىزىپ كەلە جاتقان ازا­ماتقا «دروندى قارا!» دە­دىم. ول كورگەن بويدا «جوق، بۇل درون ەمەس» دەپ سەنىمدى سوي­لەدى. سويتكەنشە الدىڭعى جاعىمىزدان كورىنگەن بەي­نە­نىڭ تۇسىنا جا­قىنداپ تا قالدىق. كادىمگى ادام. كوتە­رىلگەن بيىگىندە، ءبىر ورىندا ازى­راق قالىقتاپ تۇردى دا، حانكول اۋىلىنىڭ باعىتىنا قاراي ۇشىپ كەتە باردى. اۋادا ادىمداعانداي قيمىل جاساپ بارا جاتقان ادامنىڭ بەي­نەسى انىق كورىندى. سول ۇش­قان­نان حانكول اۋىلىنىڭ ۇستىنەن ءوتىپ، ابدەن ۇزاپ، ءبىر نۇكتەگە اينالىپ، كوزگە كو­رىنبەي كەتكەنشە قاراپ تۇر­دىق. العاشقى ساتتەردە تەلە­فونعا جارماسىپ، بەينەنى انىق­تاپ ءتۇسىرۋ ويىمىزعا كەل­مەپتى. بىراق كەيىن ۇيالى تەلە­فونىمنىڭ كامەراسىن با­رىنشا جاقىنداتىپ الاتىن بابىنا كەلتىرىپ، الىستان بولسا دا ءتۇسىرىپ ۇلگەردىم. عى­لىمى دامىعان شەتەلدەردە ادامدار شاعىن قۇرىلعىلار، مىسالى، «Flyboard Air» اپپاراتى ارقىلى ۇشا الاتىن مۇم­كىن­دىككە يە بولدى عوي. مەن الگى بەينەنى سونداي قۇرىلعىمەن بيىككە كوتەرىلگەن ادام ەكەن دەپ قالدىم. بىراق مەن كور­گەن ونداي قۇرىلعىلارعا ادام قوس اياعىن تەڭ ۇستاپ، ءمىنىپ تۇراتىن. الگىنىڭ اۋادا ادىم­داعانداي قيمىل جاساپ بارا جاتقانىنا تۇسىنە الماي اڭ-تاڭ بولدىق، – دەيدى كۇتپەگەن جاعدايعا كۋا بولعان ەكپىن باتىرحان ۇلى.

«بۇل وقيعانى وزگە بىرەۋ ايت­سا سەنەر مە ەدىم، سەنبەس پە ەدىم... بىراق ەكپىن دەگەن جەرلەس ازامات بولعان وقي­عانى بوياماسىز سۋرەتتەي الاتىن، ءسوز قادىرىن تۇ­سىنەتىن، سال­ماقتى جىگىت. ءوز باسىم ونىڭ بايان­داعان وقيعاسىنا كۇ­مانسىز سەن­دىم»، دەپ وتىر نۇر­تاس ءنابيوللا ۇلى.

 

باتىس قازاقستان وبلىسى

 

سوڭعى جاڭالىقتار

ۇقساس جاڭالىقتار