ايماقتار • 05 تامىز، 2020

ەكى كەشتىڭ اراسىندا الماتىنىڭ اكىمى ەپيدەميالىق جاعدايدى باياندادى

4984 رەت كورسەتىلدى

بۇگىن الماتى قالاسىنىڭ اكىمى باقىتجان ساعىنتاەۆ الماتىلىقتارعا قازىرگى ەپيدەميولوگيالىق احۋال جانە COVID-19-بەن كۇرەسۋ شارالارى تۋرالى باياندادى.

"الماتى" تك Akimat Live باعدارلاماسى ەفيرىندە  قالا اكىمى ب.ساعىنتاەۆ كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى وزەكتى سۇراقتارعا جاۋاپ بەردى.

بيىلعى 5 تامىزداعى سوڭعى مالىمەتتەرگە سايكەس، الماتىدا COVID-19 جۇقتىرعاندار سانى 12641-گە جەتتى. تاۋلىك ىشىندە 176 جاڭا جاعداي انىقتالدى. بۇگىنگە دەيىن بارلىعى 7590 ادام ەمدەلىپ شىقتى، بۇل ناۋقاستاردىڭ 60%-ىن قۇرايدى. سوڭعى تاۋلىكتە 504 ادام ەمدەلىپ شىقتى. وسى ۋاقىت ىشىندە العاش رەت وڭ ءۇردىس بايقالدى، وندا ساۋىعىپ شىققاندار سانى اۋرۋحانادا جاتقانداردىڭ سانىنان 3،3 ەسە ارتىق.

بارلىق دەڭگەيدەگى دارىگەرلەردىڭ ۇيلەسىمدى جۇمىسىنىڭ ارقاسىندا جۇزدەن استام ناۋقاستىڭ جاعدايى تۇراقتالىپ، ولار جانساقتاۋ بولىمىنەن پالاتالارعا اۋىستىرىلدى.

ۆيرۋس جۇقتىرعانداردى جەدەل انىقتاۋ ءۇشىن الماتى قالاسىنىڭ اكىمى بۇگىنگى كۇنى زەرتتەۋ جۇمىستارىنىڭ قارقىندى جۇرگىزىلگەندىگىن، زەرتحانالاردىڭ قۋاتتىلىعى 2،5 مىڭنان 9،5 مىڭعا دەيىن ارتقانىن، زەرتتەۋ كولەمىنىڭ كۇنىنە 19،5 مىڭعا دەيىن ۇلعايعانىن اتاپ ءوتتى.

بۇگىنگى كۇنى شامامەن 435 مىڭ زەرتتەۋ جۇرگىزىلدى. ياعني، قالا تۇرعىندارىنىڭ شامامەن 15-17%-ى سىناقتان ءوتتى. 100 مىڭ تۇرعىنعا شاققاندا بۇل ەۋروپا ەلدەرىندە وتكىزىلگەن تەستىلەۋ دەڭگەيىنە ساي.

ء«بىز ءۇشىن مەديتسينا ۇيىمدارىنا تۇسەتىن جۇكتەمەنىڭ ناقتىلى كورىنىسىن كورۋ ماڭىزدى. ياعني، ءدارى-دارمەكتەردىڭ قاجەتتى قورىن قۇرۋ، دارىگەرلەرگە تۇسەتىن جۇكتەمەنى ەسەپتەۋ مەن تاعى باسقاسى. بۇل كورسەتكىشتەر بارىنشا ناقتى بولسا، كۆي-مەن كۇرەستىڭ پارمەندىلىگى ارتادى»، - دەپ اتاپ ءوتتى ب. ساعىنتاەۆ.

وسىعان بايلانىستى، 2 كوپسالالى اۋرۋحانالار بىرتىندەپ قالىپتى جۇمىس رەجيمىنە ورالۋدا، بۇلار №4 جانە №7 قالالىق كلينيكالىق اۋرۋحانالار.

سونىمەن قاتار، پاندەميانىڭ جاڭا تولقىنىنا دايىندىق اياسىندا اۋىر ناۋقاستار ءۇشىن ءبىرىنشى ەشەلونداعى ينفەكتسيالىق ستاتسيونارلارداعى توسەك-ورىنداردىڭ قۋاتتىلىعى 1015-كە ۇلعايادى. سونداي-اق، تامىز ايىنىڭ سوڭىندا 500 ورىندى جاڭا اۋرۋحانا ىسكە قوسىلادى. قىركۇيەك ايىنىڭ ورتاسىنا دەيىن - 300 ورىندى جەدەل سالىناتىن جۇقپالى ناۋقاستار اۋرۋحاناسى، جەكە ينۆەستيتسيالار ەسەبىنەن 1 قازانعا دەيىن ەكى قوناقۇي بازاسىندا 215 ورىندى تولىققاندى كوۆيدتى كلينيكالار ىسكە قوسىلادى.

قالالىقتاردىڭ سۇراقتارىنا جاۋاپ بەرە وتىرىپ، ب. ساعىنتاەۆ ستاتسيونارلاردى ورتالىقتاندىرىلعان مەديتسينالىق گازبەن قامتاماسىز ەتۋ تۋرالى مالىمەت بەردى. ال بۇل 1500 توسەك-ورىن.

بۇدان وزگە، بارلىق كوۆيدتى اۋرۋحانالاردا ب جانە ۆ سىنىپتاعى مەديتسينالىق قالدىقتاردى جويۋ، سونىمەن قاتار توقتاۋ سۋلاردى زالالسىزداندىرۋ جۇيەلەرى بويىنشا زاماناۋي تەرمينالدار سالۋ جوسپارلانعان.

سونىمەن بىرگە، قاجەتتى مەديتسينالىق قۇرالدارمەن جابدىقتاۋ جۇمىستارى جۇرگىزىلۋدە. جىل باسىنان بەرى 10،5 مىڭنان استام اپپارات ساتىپ الىندى، ونىڭ ىشىندە 252 ءوجج اپپاراتى، 1050 وتتەگى كونتسەنتراتى، 5 كت، 33 رەنتگەن قوندىرعىسى. تامىز ايىنىڭ اياعىندا جەرگىلىكتى بيۋدجەتتىڭ ەسەبىنەن قوسىمشا 1050 دانا وتتەگى كونتسەنتراتى جەتكىزىلەدى. قىركۇيەكتىڭ ورتاسىنا دەيىن – 379 ءوجج اپپاراتى.

قالا اكىمى ءوزىن-ءوزى وقشاۋلاۋ رەجيمىن بۇزۋشى سيمپتومسىز ۆيرۋس جۇقتىرۋشىلارعا قولدانىلعان شارالارعا جەكە توقتالدى. 2020 جىلدىڭ 3 تامىزىنان باستاپ الماتى قالاسىندا COVID-19 كوروناۆيرۋس ينفەكتسياسى تارالۋىن بولدىرماۋ ءۇشىن قوسىمشا شەكتەۋ شارالارى ەنگىزىلدى. بۇل كۆي دياگنوزى راستالعان ادامداردىڭ ءوزىن-ءوزى وقشاۋلاۋ شارالارى.

ەگەر پتر-تەستىلەۋدىڭ وڭ ناتيجەسى انىقتالعان جاعدايدا، ناۋقاس ادامعا بەلگىلەنگەن ەرەجەلەردى ساقتاۋ تۋرالى حابارلاما جىبەرىلەدى. وعان ءۇي كارانتينى ەرەجەلەرىن بۇزعان جاعدايدا جاۋاپكەرشىلىككە تارتىلاتىنى (اكىمشىلىك ايىپپۇلدى قوسا) ەسكەرتىلەدى.

بۇگىنگى تاڭدا ىندەت جۇقتىرعان 8 سيمپتومسىز ناۋقاس ارنايى ستاتسيونارعا وقشاۋلاندى. 30 اەك كولەمىندە ايىپپۇل سالىندى. ەگەر ولار وزگەلەرگە اۋرۋ جۇقتىراتىن بولسا، وندا قىلمىستىق جاۋاپكەرشىلىككە تارتىلۋى مۇمكىن.

الماتى اكىمى ب.ساعىنتاەۆ كۆي-مەن كۇرەسۋگە ىقپال ەتەتىن تسيفرلىق شەشىمدەر تۋرالى حابارلادى. مىسالى، قوعامدىق كولىكتەردە «ماسكا رەجيمىنىڭ» ىقتيمال بۇزۋشىلارىن انىقتايتىن جۇيە سىناقتان وتكىزىلىپ جاتىر. بۇل جولاۋشىلار اراسىنداعى الەۋمەتتىك قاشىقتىقتىڭ ساقتالۋىن انىقتاۋعا مۇمكىندىك بەرەدى. سونىمەن بىرگە ءدارىحانالاردا ءدارى-دارمەكتەردىڭ قانشا قالعاندىعىن انىقتايتىن قوسىمشا ازىرلەندى.

ايتا كەتەرلىگى، الماتىلىق باعدارلاماشىلار جاساعان شەشىمدەردىڭ ءبىرى ەلىمىز بويىنشا قولدانۋعا ۇسىنىلدى. توتەنشە جاعداي جانە كۇشەيتىلگەن كارانتين كەزىندە الماتىلىق كاسىپكەرلەر ءۇشىن باستى ماسەلە – كاسىپورىندار قىزمەتىنىڭ جانە قوزعالىستاردىڭ شەكتەلۋى بولدى. مالىمەتتەردى جيناۋدى، وڭدەۋدى، ساقتاۋدى جانە جاريالاۋدى اۆتوماتتاندىرۋ ءۇشىن – infoalmaty.kz ينتەگراتور پورتالى قۇرىلدى.

بۇل جوبا بيزنەس پەن جەرگىلىكتى اتقارۋشى ورگانداردىڭ ءوزارا ءىس-قيمىلىن ۇيلەستىرۋدىڭ مىسالى بولىپ تابىلادى. اتالمىش تاجىريبە بۇكىل رەسپۋبليكاعا تارالادى.

وقيعالاردىڭ ودان ءارى دامۋى تۋرالى ايتا وتىرىپ، باقىتجان ساعىنتاەۆ قالادا پاندەميا جاعدايىندا الماتىلىقتاردىڭ ءومىرى مەن دەنساۋلىعىن ساقتاۋ جونىندە ناقتىلى ءىس-شارالار جوسپارى بار ەكەنىن اتاپ ءوتتى.

جەدەل جاردەم كومەگى باعىتىنىڭ جاڭا مودەلى جاسالدى. نەگىزگى كلينيكالىق-دياگنوستيكالىق باعىتتار بويىنشا شتاتتان تىس ماماندار ينستيتۋتى قۇرىلدى. جالپى قالالىق زەرتحانالىق جەلىنى ورتالىقتاندىرۋ جۇزەگە اسىرىلدى.

ء«بىز قالالىقتاردىڭ دەنساۋلىعى مەن قاۋىپسىزدىگىن قورعاۋ جونىندەگى جوسپاردىڭ ەكىنشى كەزەڭىن جۇزەگە اسىرۋعا وتۋدەمىز، وعان كۇزگى-قىسقى ماۋسىمدا بولۋى مۇمكىن پاندەميانىڭ ەكىنشى تولقىنىنا دايىندىق شارالارى ەنەدى. وشاقتاردى باقىلاۋ، جۇقتىرۋ تىزبەسىن ءۇزۋ بويىنشا جۇمىستار كۇشەيتىلەدى»، - دەدى قالا اكىمى.

ءىس-شارالاردىڭ قاتارىندا، بەينەبايلانىس ارقىلى ءوزىن-ءوزى وقشاۋلاۋ جاعدايىندا ناۋقاستىڭ ءحالىن باقىلاۋ جانە باعالاۋعا مۇمكىندىك بەرەتىن تەلەمەديتسينالىق مونيتورينگ پەن جەڭىل جانە سيمپتومسىز COVID-19 جۇقتىرعان پاتسيەنتتەردى قولداۋ ورتالىعىن قۇرۋ جوسپارلانۋدا.

سونىمەن قاتار، امبۋلاتوريالىق ەمدەۋدەن ءوتىپ جاتقان كۆي جۇقتىرعان پاتسيەنتتەردى قاشىقتىقتان باقىلاۋعا ارنالعان ءموبيلدى قوسىمشا جاساۋ جوسپارلانعان.

پسيحولوگيالىق كومەك كورسەتۋ جۇمىستارى كۇشەيتىلەدى.
قولدانىستاعى كولل-ورتالىقتىڭ نەگىزىندە COVID-19-دان جازىلىپ شىققان پاتسيەنتتەرگە جانە ولاردىڭ تۋىستارىنا پسيحولوگيالىق قولداۋ توبىن قۇرۋ جوسپارلانعان.
قابىلدانعان شارالار قالاداعى پاندەميانىڭ بارىسى مەن دامۋىنا اسەر ەتۋى مۇمكىن ىقتيمال قاۋىپتەردىڭ الدىن الۋعا باعىتتالعان.

اڭگىمەنى قورىتىندىلاي كەلە، الماتى قالاسىنىڭ اكىمى باقىتجان ساعىنتاەۆ قالا تۇرعىندارىن جاۋاپكەرشىلىككە، ءبىر-بىرىنە قۇرمەتپەن قاراۋعا شاقىردى. قالانىڭ ادەتتەگى ءومىر ىرعاعىنا جاقىن ارادا ورالۋى وسىعان بايلانىستى.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار