تاعايىنداۋ • 05 تامىز، 2020

الماتى وبلىستىق دەنساۋلىق ساقتاۋ باسقارماسىنا جاڭا باسشى تاعايىندالدى

296 رەت كورسەتىلدى

الماتى وبلىسى اكىمىنىڭ وكىمىمەن ومىرزاق ابىلسەيىت ۇلى نيازبەكوۆ وبلىستىق دەنساۋلىق ساقتاۋ باسقارماسىنىڭ باسشىسى بولىپ تاعايىندالدى. بۇل تۋرالى الماتى وبلىستىق اكىمدىگىنىڭ ءباسپاسوز قىزمەتى حابارلايدى، دەپ جازادى Egemen.kz

1966 جىلى تۋعان. الماتى مەملەكەتتىك مەديتسينالىق ينستيتۋتىن دارىگەر ماماندىعى بويىنشا بىتىرگەن. 

ەڭبەك جولىن الماتى وبلىسى الاكول اۋدانى ءۇشارال قالاسىندا الاكول اۋداندىق ورتالىق اۋرۋحانانىڭ حيرۋرگيالىق ءبولىمىنىڭ حيرۋرگى بولىپ باستاعان.

ءار جىلداردا ءۇشارال قالالىق ورتالىق اۋرۋحاناسىنىڭ حيرۋرگيالىق ءبولىمىنىڭ ءبولىم مەڭگەرۋشىسى، الماتى قالاسىندا "تۇركسىب ءساناتوريى" ااق باس ديرەكتورى، "№7 قالالىق كلينيكالىق اۋرۋحانا" مكقك حيرۋرگ-دارىگەرى، "ەمدەۋ-دياگنوستيكالىق ورتالىعى" مكقك امبۋلاتورلىق-ەمحانالىق بولىمشەسىنىڭ حيرۋرگ-دارىگەرى، قاراساي اۋدانى قاسكەلەڭ قالاسىندا "قاراساي اۋدانىنىڭ ورتالىق اۋرۋحاناسى" مكقك ديرەكتورىنىڭ ۇيىمداستىرۋ-ادىستەمەلىك جۇمىسى جونىندەگى ورىنباسارى، الماتى قالاسىندا "الماتى ايماقتىق ونكولوگيالىق ديسپانسەرى" شجق مكك  ادىستەمەلىك-ۇيىمداستىرۋ ءبولىمىنىڭ مەڭگەرۋشىسى بولعان.

2018 جىلدىڭ شىلدە ايىنان – الماتى وبلىسىنىڭ دەنساۋلىق ساقتاۋ باسقارماسى باسشىسىنىڭ ەمدەۋ-پروفيلاكتيكالىق جۇمىس جونىندەگى ورىنباسارى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار