ايماقتار • 05 تامىز، 2020

ماسكا تاعۋ ءتارتىبىن بۇزعاندارعا 80 مىڭ تەڭگەگە دەيىن ايىپپۇل سالىنادى

41 رەت كورسەتىلدى

ءتارتىپ ساقشىلارى قوعامدىق ورىنداردا مەديتسينالىق ماسكا تاعۋ مىندەتتى ەكەنىن ەسكەرتەدى، دەپ حابارلايدى نۇر-سۇلتان اكىمدىگىنىڭ رەسمي سايتى.

ەلوردانىڭ باس مەملەكەتتىك سانيتارلىق دارىگەرىنىڭ بۇيرىعىنا سايكەس، ۇيدەن شىققاندا مەديتسينالىق ماسكا تاعۋ مىندەتتى نورما. بۇل اۋرۋدىڭ الدىن الۋ ءۇشىن جاسالادى. قۇقىق بۇزۋشىلارعا 30 اەك نەمەسە 79 530 تەڭگە ايىپپۇل سالىنادى.

ء"بىرىنشى كەزەكتە پوليتسيا الدىن-الۋ جۇمىستارىنا كوڭىل بولەدى. ادام كوپ جەرلەردە، ساياباقتاردا، سكۆەرلەردە، قوعامدىق كولىكتەردە ءتۇسىندىرۋ جۇمىستارىن جۇرگىزىپ، ازاماتتارعا ماسكا تاعۋدى ۇسىنامىز. ەگەر ادام كوپ ورىنداردا ماسكا تاقپاسا اكىمشىلىك جاۋاپكەرشىلىككە تارتىلادى. ءبىرىنشى كەزەكتە ءبىز ءتارتىپ بۇزۋشىلارعا قاتىستى الدىن-الۋ شارالارىن قولدانامىز"، - دەيدى قالالىق پوليتسيا دەپارتامەنتىنىڭ رەسمي وكىلى دانيار ورالوۆ.

سوندىقتان، حالىقتىڭ دەنساۋلىعىن ساقتاۋ، كوروناۆيرۋس ينفەكتسياسىنىڭ الدىن الۋ جانە بولدىرماۋ ءۇشىن ازاماتتار مەديتسينالىق ماسكا تاعۋى كەرەك، دەيدى ول. ءوز كەزەگىندە، ەلوردا تۇرعىندارىنا بليتس-ساۋالناما كورسەتكەندەي، رەسپوندەنتتەردىڭ كوپشىلىگى ماسكا قورعانىس رەتىندە قاجەت ەكەنىنە جانە ونى جابىق عيمارات ىشىندە كيۋ كەرەك ەكەندىگىنە سەنىمدى.

"مەنىڭشە، سىرتتا ماسكا تاعۋ قاجەت ەمەس، ويتكەنى تازا اۋا ودان دا ماڭىزدى. ءيا، جابىق عيمارات ىشىندە الەۋمەتتىك قاشىقتىق ساقتاۋ، ماسكا تاعۋ كەرەك، بىراق كوشەدە مىندەتتى ەمەس"، - دەيدى قالا تۇرعىنى.

ەستەرىڭىزگە سالا كەتەيىك، جابىق، قوعامدىق ورىنداردا، حالىققا قىزمەت كورسەتۋ ورتالىقتارىندا، دۇكەندەر مەن ءدارىحانالاردا، مەديتسينالىق مەكەمەلەردە ماسكا تاعۋ مىندەتتى.

"ماسكا تاعۋ COVID-19 ينفەكتسياسىنىڭ الدىن الۋ ءۇشىن وتە ماڭىزدى. ماسكا تاعۋدىڭ دۇرىس ءتارتىبىن ساقتاۋ كەرەك جانە ءار ەكى ساعات سايىن اۋىستىرۋ قاجەت" - دەپ تۇسىندىرەدى تەراپەۆت ازيزا الدانباەۆا. ەسكە سالايىق، قازاقستاندا كارانتين رەجيمى 17 تامىزعا دەيىن ۇزارتىلدى.

سوڭعى جاڭالىقتار

شەكتەن شىققان احۋال جوق

ايماقتار • بۇگىن، 15:02

ۇقساس جاڭالىقتار