"جولدار بىرنەشە كريتەريلەر بويىنشا تاڭدالدى. ءبىرىنشى. بۇرىن اسفالت بولماعان جولداردى تاڭدادىق. مۇنداي جولداردىڭ كوبى ەلدى-مەكەندەردە ورنالاسقان. 150 كوشەنىڭ 100-ءى ەلدى-مەكەندەرگە تيەسىلى. ەكىنشى. جاڭا اۆتوبۋس باعىتتارىن ىسكە قوسىلاتىن كوشەلەر مەن قوزعالىس قارقىنى جوعارى كوشەلەر قامتىلدى. ءۇشىنشى. تۇرعىندارمەن كەزدەسۋ بارىسىندا ولار الەۋمەتتىك نىساندارعا اپاراتىن كوشەلەردى اسفالتتاۋدى سۇرادى. مەكتەپتەرگە, مەديتسينالىق ورتالىقتارعا, بالاباقشالارعا جانە ت.ب. اپاراتىن جولدار تىزىمگە ەنگىزىلدى", دەپ جازدى التاي كولگىنوۆ ءوزىنىڭ ينستاگرام پاراقشاسىندا.
كەشە ەلوردا اكىمى كەشكىلىك ارالاۋ بارىسىندا "كوكتال" جانە "اگروگورودوك" ەلدى-مەكەندەرىندەگى بىرقاتار كوشەلەردىڭ قۇرىلىس بارىسىمەن تانىستى.
"جالپى, وسى ەكى ەلدى-مەكەندە 33 كوشەنى جوندەيمىز. كەزدەسۋ بارىسىندا تۇرعىندار جارىقتاندىرۋ, جىلىتۋ, كارىز ماسەلەلەرى بويىنشا بىرقاتار ماسەلەلەردى كوتەردى. كەيبىر ماسەلەلەر بويىنشا شەشىم سول جەردە قابىلداندى, قالعاندارى جوسپارعا بەكىتىلدى», - دەدى ا.كولگىنوۆ.
سونىمەن قاتار, بارلىق اۋدانداردا الەۋمەتتىك نىساندار, قولجەتىمدى تۇرعىن ءۇي قۇرىلىسى, جارىقتاندىرۋ شامدارىن ورناتۋ, اۋماقتاردى اباتتاندىرۋ, نوسەر كارىزدەرىن ورناتۋ جانە ت. ب. بويىنشا جۇمىستار تۇراقتى تۇردە جۇرگىزىلىپ جاتىر.
"جىلىتۋ ماسەلەسى گازداندىرۋ بارىسىندا شەشىلەدى. بيىلعى جىلىتۋ ماۋسىمىندا گازعا بىرقاتار ەلدى-مەكەن قوسىلادى. ونەركاسىپتىك سەكتور مەن ەلدى-مەكەندەردى گازداندىرۋ 3 كەزەڭدە وتەدى", - دەپ اتاپ ءوتتى نۇر-سۇلتان اكىمى.
