ايماقتار • 04 تامىز، 2020

الماتىدا ءىز-ءتۇزسىز جوعالعان بەس جاسار قىز امان-ەسەن تابىلدى

928 رەت كورسەتىلدى

الماتىدا ويناپ ءجۇرىپ، جوعالىپ كەتكەن بەس جاسار قىز امان-ەسەن تابىلدى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.

پوليتسياعا جۇلدىز ىقشاماۋدانىندا كەشكى ساعات بەستەر شاماسىندا كىشكەنتاي قىز جوعالىپ كەتتى دەگەن حابارلاما كەلدى.

بالانىڭ اناسىنىڭ ايتۋىنشا، ايميرا باسقا بالالارمەن بىرگە اۋلادا ويناپ جۇرگەن. ءبىر كەزدە قىز جوعالىپ كەتتى، ول ساموكاتتا بولعان. اتا-انالار بالانى جارتى ساعاتتاي ءوز بەتىنشە ىزدەۋگە تىرىستى. ولار كورشى اۋلالاردى ارالاپ ءوتىپ، جولاۋشىلاردان سۇراعان.

بىراق وكىنىشكە قاراي، ەش ناتيجە بولمادى. جبو-نا قوڭىراۋ ساعات 16:52-دە كەلىپ ءتۇستى. ولار بالانى جەدەل ىزدەستىرۋ جۇمىستارىن ۇيىمداستىردى.

"قىلمىستىق، يۋۆەنالدى پوليتسيانىڭ جەكە قۇرامى، سونداي-اق، ۋچاسكەلىك ينسپەكتورلار تارتىلدى. شاعىن اۋدانعا جاقىن جەردە تەمىر جولدار مەن بورەنەلەر بار جەرلەردى مۇقيات قاراۋ ماڭىزدى بولدى. جەكە سەكتوردا ىزدەستىرۋ توپتارى بىرنەشە بولىككە ءبولىندى. باقىتىمىزعا وراي، بالا سول جەردەن تابىلدى. ۋپپ-93 ۋچاسكەلىك ينسپەكتورلارى سەزىمتالدىق، ۇقىپتىلىق پەن كاسىبيلىكتى كورسەتتى. ولار ءسابيدى ءبىر ساعاتتىڭ ىشىندە تاۋىپ الدى"، دەدى تۇركسىب اۋداندىق پوليتسيا باسقارماسىنىڭ باسشىسى ەركىن امانتاەۆ.

ايميرانى پوليتسيا اناسىنا تاپسىردى. قىزدىڭ كوپبالالى جانە الەۋمەتتىك جاعدايى جاقسى وتباسىنان ەكەندىگى بەلگىلى بولدى.

سوڭعى جاڭالىقتار

ۇقساس جاڭالىقتار