تاعايىنداۋ • 04 تامىز، 2020

اتىراۋدا توتەنشە جاعدايلار دەپارتامەنتىنە جاڭا باسشى كەلدى

898 رەت كورسەتىلدى

اتىراۋدا توتەنشە جاعدايلار دەپارتامەنتىنە جاڭا باسشى كەلدى،  دەپ حابارلايدى Egemen.kz

بۇگىن ىشكى ىستەر ءمينيسترىنىڭ ورىنباسارى يۋري يلين اتىراۋ وبلىستىق توتەنشە جاعدايلار دەپارتامەنتىنىڭ ۇجىمىنا جاڭا باستىق، ازاماتتىق قورعاۋ پولكوۆنيگى ومار قۇمار ۇلى بەرجانوۆتى تانىستىردى.

ول ەڭبەك جولىن 1989 جىلى گۋرەۆ وبلىستىق ىشكى ىستەر باسقارماسىنىڭ №57 اسكەريلەندىرىلگەن ءورت ءسوندىرۋ بولىمىندە ءورت ءسوندىرۋشى بولىپ باستادى. كەيىن اتىراۋ وبلىسى موقق انىقتاۋ ءبولىمىنىڭ باستىعى، اتىراۋ وبلىسى بويىنشا ءوس جانە اقجق مم فيليالى باستىعىنىڭ ورىنباسارى، اتىراۋ وبلىستىق توتەنشە جاعدايلار دەپارتامەنتىندە ءوس جانە اقجق مم باستىعى بولىپ جۇمىس ىستەدى.

باتىس قازاقستان وبلىستىق توتەنشە جاعدايلار دەپارتامەنتى باستىعىنىڭ ورىنباسارى، قىزىلوردا وبلىستىق توتەنشە جاعدايلار دەپارتامەنتىنىڭ باستىعى لاۋازىمدارىن اتقاردى.

ءىىى، ءىى، ءى دارەجەلى "ورتكە قارسى قىزمەت ورگاندارىنداعى ءمىنسىز قىزمەتى ءۇشىن" مەدالدارىمەن، "توتەنشە جاعدايلار جۇيەسىن دامىتۋعا قوسقان ۇلەسى ءۇشىن»" توسبەلگىسىمەن، "ەرلىگى ءۇشىن" مەدالىمەن ماراپاتتالعان.

سوڭعى جاڭالىقتار

ۇقساس جاڭالىقتار