پارلامەنت • 04 تامىز، 2020

سەناتور ماقتاارال اۋدانىن قالپىنا كەلتىرۋ جۇمىستارىنىڭ بارىسىمەن تانىستى

23 رەت كورسەتىلدى

وڭىرگە جاساعان ساپارىندا پارلامەنت سەناتىنىڭ دەپۋتاتى ءالىمجان قۇرتاەۆ قر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆپەن بىرگە ماقتاارال اۋدانىنىڭ ورگەباس، فيردوۋسي ەلدىمەكەندەرىندەگى قالپىنا كەلتىرۋ جۇمىستارىمەن، سونداي-اق مىرزاكەنت ىقشاماۋدانىنىڭ قۇرىلىسىمەن تانىستى. بۇل تۋرالى پارلامەنت سەناتىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

2020 جىلدىڭ مامىر ايىندا ساردوبا سۋ قويماسى جارىلىپ، ورتالىق كوللەكتوردا سۋدىڭ تولۋىنا سەبەپشى بولدى، ناتيجەسىندە تۇركىستان وبلىسى ماقتاارال اۋدانىنىڭ اۋماعىن سۋ شايىپ كەتكەن بولاتىن. بەس ەلدىمەكەندى سۋ باسىپ قالدى.

ءالىمجان قۇرتاەۆ جاۋاپتى مەملەكەتتىك ورگانداردىڭ، قۇرىلىس ۇيىمدارىنىڭ وكىلدەرىمەن جانە ازاماتتارمەن كەزدەستى. وعان مىرزاكەنت كەنتىندە 1200 ورىندىق مەكتەپتىڭ، 280 ورىندىق بالاباقشانىڭ جانە دارىگەرلىك امبۋلاتوريانىڭ قۇرىلىسى تۋرالى ايتىلدى. فەرداۋسيدە جۇمىسشىلار 600 ورىندىق مەكتەپتى قالپىنا كەلتىرۋدە، جاڭادان دارىگەرلىك امبۋلاتوريا مەن بەكىنىس پۋنكتىن سالۋدا. 

مىرزاكەنت شاعىناۋدانىندا 386 تۇرعىن ءۇي قۇرىلىسىنا مىڭ جارىمعا جۋىق ادام قاتىسۋدا. اۋدان اكىمدىگى 196 تۇرعىن ءۇيدىڭ ۇكىمەت قورىنىڭ ەسەبىنەن جانە 190 ءۇي قايىرىمدىلىق قورلارىنىڭ، ونىڭ ىشىندە "بىزبىرگەمىز" قورىنىڭ ەسەبىنەن سالىنىپ جاتقانىن ايتتى. 

سونىمەن قاتار، سۋ باسۋدان زارداپ شەككەن اۋىلداردا گاز، جارىق جۇيەلەرى، بايلانىس جەلىلەرى مەن اۆتوكولىك جولدارى قالپىنا كەلتىرىلۋدە.

تۇركىستان وبلىسىنا ساپارى اياسىندا ءالىمجان قۇرتاەۆ ءوڭىر جۇرتشىلىعىمەن كەزدەسۋلەر وتكىزۋدە، جاۋاپتى مەملەكەتتىك ورگاندارىنىڭ وكىلدەرىمەن بىرلەسىپ مەديتسينالىق مەكەمەلەرگە بارىپ، جەرگىلىكتى جەردە پاندەميامەن كۇرەس جۇمىستارىنىڭ بارىسىمەن تانىسۋدا.

سوڭعى جاڭالىقتار

ۇقساس جاڭالىقتار