قازاقستان • 04 تامىز، 2020

ەكولوگيا مينيسترلىگى "جانۋارلارعا جاۋاپكەرشىلىكپەن قاراۋ تۋرالى" زاڭ جوباسىن تالقىلاۋعا شاقىرادى

17 رەت كورسەتىلدى

5 تامىزدا، ساعات 11.00-دە قر ەكولوگيا، گەولوگيا جانە تابيعي رەسۋرستار مينيسترلىگى بۇعان دەيىن قر پارلامەنتى ءماجىلىسىنىڭ ءبىر توپ دەپۋتاتتارى ازىرلەگەن وسى زاڭ جوباسىن قوعامدىق تالقىلاۋدى وتكىزەدى. بۇگىنگى تاڭدا بۇل قۇجات ۇكىمەتتىڭ قاراۋىندا.

قازاقستاندا جانۋارلاردى قورعاۋ تۋرالى جاڭا زاڭ جوباسىنىڭ قاجەتتىلىگى الدەقاشان ءپىسىپ-جەتىلگەن. ەلىمىزدە بارلىق جانۋارلارعا، ونىڭ ىشىندە ءۇي، جابايى جانە اۋىلشارۋاشىلىعى جانۋارلارىنا جاۋاپكەرشىلىكپەن قاراۋ تۋرالى بىردە-ءبىر زاڭ جوق.

جانۋارلارعا قاتىگەزدىك كورسەتكەن ادامدار تۋرالى حابارلامالار الەۋمەتتىك جەلىلەردە ءجيى شىعادى. الايدا، بۇگىندە قازاقستانداعى جانۋارلارعا قاتىگەزدىك كورسەتكەنى ءۇشىن تاعايىندالاتىن جازا جەڭىل.

سونىمەن بىرگە، تاجىريبە كورسەتكەندەي، جانۋارلارعا قاتىگەزدىكپەن قاراۋ ادامدارعا قاتىستى قاتىگەزدىك قىلمىستاردان 5 ەسە، م ۇلىكتىك قىلمىستاردان 4 ەسە كوپ.

قولدانىستاعى زاڭنامادا جانۋارلارعا ارنالعان باسپانا ۇعىمى جانە ولاردى سالۋ ستاندارتتارى، ءۇي جانۋارلارىن سەرۋەندەتۋ جانە كۇتىپ ۇستاۋ ەرەجەلەرى جوق. ال قاڭعىباس يتتەر مەن مىسىقتاردى اۋلاۋ جانە جويۋ ەرەجەلەرى قالالار مەن ەلدىمەكەندەردە ءارتۇرلى.

قاڭعىباس يتتەردى اتۋ پروتسەسىنىڭ ءوزى كوپشىلىكتىڭ سىنىنا ۇشىراۋدا. جانۋارلاردىڭ قۇقىعىن قورعاۋشىلار ونىڭ ورنىنا جانۋارلارعا ارنالعان باسپانا قۇرىپ، مىسىقتار مەن يتتەردى زارارسىزداندىرۋدى ۇسىنادى. كەيبىر ادامدار ءۇي جانۋارلارىن دالاعا تاستاپ، ولاردى ۇزاق ۋاقىت تاماقسىز، سۋسىز قالدىرادى. ۋاقتىلى ۆەتەرينارلىق كومەك كورسەتپەيدى جانە ت.ب.

رەسپۋبليكامىزداعى وتكىزىلەتىن يتتەردىڭ توبەلەسى دە ەتيكالىق تۇرعىدا قايتا قاراۋدى قاجەت ەتەدى. كەيبىر حايۋاناتتار باعىنداعى جانە تسيركتەردەگى جانۋارلاردى كۇتىپ-ۇستاۋ ەرەجەلەرىنىڭ قاتالدىعى ازاماتتاردىڭ اشۋ-ىزاسىن تۋدىرۋدا.

جالپى، جانۋارلارعا قاتىگەزدىكپەن قاراۋ ماسەلەسى كۇردەلى. ول بالالار تاربيەسىمەن، پەداگوگيكا، ەتيكا، اقپاراتتىق، قورشاعان ورتانى قورعاۋ جانە قىلمىستىق-اتقارۋ ساياساتىمەن تىعىز بايلانىستى.

سوندىقتان بۇگىندە مەملەكەت، ءبىرىنشى كەزەكتە، حايۋاناتتار باعىنداعى جانۋارلاردى ۇستاۋعا قويىلاتىن تالاپتاردى قاتايتۋ، جانۋارلاردى قورعاۋداعى ازاماتتىق باستامالاردى قارجىلاندىرۋ، سونىمەن بىرگە زوولوگيالىق ۆولونتەرلىكتى قولداۋ جانە مەكتەپ وقۋشىلارى مەن ستۋدەنتتەر اراسىندا جانۋارلارعا جاۋاپكەرشىلىكپەن قاراۋ يدەياسىن ىلگەرىلەتۋ ءۇشىن شارالار قابىلدايدى.

ءوز كەزەگىندە، ەكولوگيا مينيسترلىگى حالىقتىڭ وسى ماسەلە بويىنشا بارلىق ۇسىنىستارىن قاراۋعا جانە زاڭ جوباسىن تالقىلاۋ كەزىندە ەسكەرۋگە دايىن.

وتكىزۋ ۋاقىتى: 2020 جىلعى 5 تامىز، ساعات. 11:00.

كونفەرەنتسياعا سىلتەمە: https://us02web.zoom.us/j/9043681468

پارول: 1204.

سۇراقتار بويىنشا سىنا نومىرگە حابارلاسۋدى سۇرايمىز: 87017932418.

سوڭعى جاڭالىقتار

ۇقساس جاڭالىقتار