قازاقستان • 04 تامىز، 2020

قازالىدا كوپسالالى قىزمەت كورسەتۋ كەشەنى سالىنىپ جاتىر

146 رەت كورسەتىلدى

قازالى اۋدانىنىڭ اۋماعىنان وتەتىن "باتىس ەۋروپا – باتىس قىتاي" حالىقارالىق اۆتوجولىنىڭ بويىنان تاعى ءبىر كوپسالالى قىزمەت كورسەتۋ كەشەنىنىڭ قۇرىلىسى ءجۇرىپ جاتىر، دەپ جازادى Egemen.kz

اۋدان ورتالىعى  ايتەكە بي كەنتىنە جاقىن جەردەگى "قاشقان سۋ" كولىنىڭ جاعاسىنداعى 3 گەكتار اۋماقتا قوناق ءۇي، تاماقتانۋ ورنى، اۆتوتۇراق، اۆتوكولىك جۋ ورتالىعى جانە شاعىن ماركەت اشىلىپ، جولاۋشىلار مەن تۇرعىندارعا قىزمەت كورسەتەتىن بولادى. جالپى قۇنى 350 ملن تەڭگە بولاتىن جوبانى كاسىپكەر باقىتبەك ەرحاتوۆ  قولعا الىپ وتىر. كاسىپكەردىڭ ايتۋىنشا، قۇرىلىس جۇمىستارى اياقتالىپ، جوبا تولىق ىسكە اسقان كەزدە كەشەننەن 10 ادام تۇراقتى جۇمىس تابادى.

بۇعان دەيىن اۋدان اۋماعىنداعى "باتىس ەۋروپا – باتىس قىتاي" اۆتوكولىك ءدالىزىنىڭ بويىنان "ارزان سيتي"، "ميراس" كەشەندەرى، "Sinooil"، "TS قىزىلوردا مۇناي ونىمدەرى" جانار-جاعار ماي بەكەتتەرى پايدالانۋعا بەرىلگەن بولاتىن.

سوڭعى جاڭالىقتار

ۇقساس جاڭالىقتار