ايماقتار • 04 تامىز، 2020

كومەك كوپتىك ەتپەيدى

38 رەت كورسەتىلدى

قاۋىپتى ىندەتكە شالدىققانداردى ەمدەۋدە ەرەن ەڭبەكتىڭ ۇلگىسىن كور­­سە­تىپ جۇرگەن دارىگەرلەرگە قولداۋ ءبىلدىرۋشى كوپ. سولاردىڭ قا­تا­­رىنا اتىراۋ وبلىسىنداعى قازاقستان حالقى اسسامبەياسى في­ليا­­لىنىڭ مۇشەلەرى مەن ەرىكتىلەرى دە قوسىلىپ، يگىلىكتىڭ ءىستىڭ ور­تا­­سىنان تابىلدى.

اسسامبلەيا قۇرامىنداعى ەتنوس وكىلدەرى ء«بىز بىرگەمىز» اك­تسياسى اياسىندا «سۇلتان»، «ىزما­عان­بەتوۆ»، «داۋرەن» جەكە شارۋا قوجالىقتارىنىڭ باسشىلا­رى­مەن بىرگە №2 وبلىستىق ين­فەك­تسيا­لىق اۋرۋحانا مەن وكپە اۋرۋ­لا­رى ديسپانسەرىندە اشىلعان پروۆيزورلىق ءبولىمنىڭ 135 مەديتسينا قىزمەتكەرىنە 5 ليتر شۇبات، سيىردىڭ 40 ليتر، ەشكىنىڭ 5 ليتر ءسۇتىن، 35 كيلو قيار جەتكىزدى. سونداي-اق اسسامبلەيا ەرىكتىلەرى مەن وزگە ۇلت وكىلدەرى «اتىراۋ ءدارى-دارمەكتەرى» چاتىن اشىپ، ارزان ءارى قاجەتتى ءدارى-دارمەكتەر بار ءدارىحانالار، كومەك الۋ نىساندارى جونىندە كۇندەلىكتى اقپارات بەرۋدە. بۇل چاتقا قوسىلعان 600-گە جۋىق تۇرعىننىڭ 40 پايىزى قاجەتتى دارىلەرىن تاپقان. اتالعان توپتا تەگىن ءدارى-دارمەك تاراتىپ جۇرگەن ەرىكتىلەر دە بار. ولار كو­مەك­كە مۇقتاج 27 وتباسىنا كومەك كور­سەتتى.

«اتىراۋ ءدارى-دارمەكتەرى» چاتى­نىڭ تىركەلۋشىلەرى ارتىق دارى­­لەرىن وزگە تۇرعىندارعا تەگىن ۇسىنادى. كەيبىرى ءبىر-بىرى­مەن الماستىرۋدا. اسسامبلەيا جا­نىن­داعى «جاڭعىرۋ جولى» جاس­تار قوزعالىسىنىڭ جەتەكشىسى، «سارايشىق» شارۋا قوجالىعىنىڭ ديرەكتورى تاميللا روزمەتوۆا وبلىستىق اۋرۋحانانىڭ 150 مەديتسينا قىزمەتكەرىنە ەشكىنىڭ 20 ليتر ءسۇتى مەن ايران، ىرىمشىك، سۇزبە، يوگۋرت ونىمدەرىن اكەلىپ بەردى. ال اتىراۋ وبلىسى قحا قو­عامدىق كەلىسىم كەڭەسىنىڭ تو­­را­عاسى نۇرجان ەرمۇقانوۆ «اتىراۋ راۋان» قوعامدىق قورى­مەن بىرلەسە وبلىستىق، ينفەك­تسيا­لىق اۋرۋحانالارعا، وكپە اۋرۋلارىن ەمدەيتىن ديسپانسەرگە، جەتى اۋدانداعى ورتالىق اۋرۋحانالارعا 17 ملن تەڭگەگە ساتىپ الىنعان وت­تە­گى كونتسەنتراتورىنىڭ 100 داناسىن تابىس­تادى.

 

اتىراۋ وبلىسى

 

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار