قازاقستان • 03 تامىز، 2020

2021 جىلى تقجب يپوتەكانى ونلاين-رەجيمدە بەرۋدى جوسپارلاپ وتىر

30 رەت كورسەتىلدى

2020 جىلعى قاڭتاردا تۇرعىن ءۇي قۇرىلىس جيناق بانكى تۇبەگەيلى جاڭا سەرۆيس — ۆيدەوبانكينگتى ىسكە قوستى. كليەنت ونىڭ كومەگىمەن بانك مەنەدجەرىمەن بەينە بايلانىس ارقىلى بايلانىسىپ، قاشىقتان كەڭەس الا الادى. بۇل تۋرالى PrimeMinister.kz-كە بەرگەن سۇحباتىندا "قازاقستاننىڭ تۇرعىن ءۇي قۇرىلىس جيناق بانكى" اق باسقارما ءتورايىمى ءلاززات يبراگيموۆا مالىمدەدى.

ل. يبراگيموۆانىڭ ايتۋىنشا، توتەنشە جاعداي رەجيمى باستالعاننان بەرى قازاقستاندا تۇرعىن ءۇي قۇرىلىس جيناق بانكىنىڭ الدىندا ونلاين-رەجيمدە قىزمەت كورسەتۋدى جالعاستىرۋ مىندەتى تۇر.

ء"بىز قازاقستاننىڭ بارلىق ىسكەرلىك بەلسەندىلىگى سوقتىعىسقان پروبلەمالارعا تاپ بولدىق. ناۋرىز ايىنىڭ سوڭىندا، كارانتيندىك شارالار قابىلدانادى دەپ جاريالانعان كەزدە جانە كەيبىر قالالاردىڭ سانيتارلىق دارىگەرلەرى ءبىزدىڭ فيليالدارىمىزعا جۇمىس ىستەۋگە تىيىم سالعان كەزدە ءبىز كەيبىر فۋنكتسيالاردى ونلاين رەجيمگە كوشىردىك، — دەدى ول.

وسى قيىن-قىستاۋ كەزەڭدە سۇرانىسقا اسا يە قىزمەتتەردىڭ ءبىرى وسى جىلدىڭ قاڭتار ايىندا ىسكە قوسىلعان ۆيدەوبانكينگ بولدى. جاڭا سەرۆيستىڭ ىسكە قوسىلۋىمەن بىرگە جاڭا ماماندىق — ۆيدەوبانكير پايدا بولدى.

"سايتتان بەينە قوڭىراۋ جاساعاندا، ءسىز فيليالعا كەلگەن كەزدە جاسايتىنداي وپەراتسيالاردى ورىندايسىز. سىزگە قاراما-قارسى ۆيدەوبانكير وتىرادى. ءسىز ءوزىڭىزدى تانىستىرعان كەزدە بىرنەشە مينۋت ىشىندە جۇيە بىرنەشە فوتوسۋرەت پەن بيومەتريالىق سايكەستەندىرۋ جاسايدى"، — دەدى تقجب باسقارما ءتورايىمى.

بيومەتريالىق سايكەستەندىرۋ — بۇل ادام تۇلعاسىن بەت بەينەسى، ساۋساق ءىزى نەمەسە داۋىسى ارقىلى تانۋعا مۇمكىندىك بەرەتىن تەحنولوگيا. جۇيە شىعىنداردى ازايتادى، كليەنتتەرگە قىزمەت كورسەتۋ ۋاقىتىن قىسقارتادى، الاياقتاردان قورعايدى، بيزنەس-پروتسەستەردى وڭتايلاندىرادى جانە كىرىستى ارتتىرادى. مۇنداي تەحنولوگيالار بىرتىندەپ بۇكىل الەم بويىنشا — اقش، ەۋروپا، قىتاي، جاپونيا، تاياۋ شىعىس جانە لاتىن امەريكاسى ەلدەرىندە ءارتۇرلى سالالاردى قامتىپ كەلەدى. بۇگىنگى تاڭدا بيومەتريالىق تەحنولوگيالاردى ەنگىزۋ ەندى ستارتاپتارعا ارنالعان ءساندى ترەند پەن «ويىنشىقتار» ەمەس، ەكونوميكانىڭ ءارتۇرلى سالالارىن دامىتۋدىڭ مىندەتتى شارتى بولىپ تابىلادى.

ادام تۇلعاسىن انىقتاعاننان كەيىن بانك وپەراتورلارى وپەراتسيالاردى ورىنداۋعا كىرىسەدى. قازىرگى ۋاقىتتا ۆيدەوبانكينگ ارقىلى ەكىنشى دەپوزيتتى اشۋ، شارتتىق سومانى وزگەرتۋ، باسقا بانكتەرگە باسقا شوتتارعا اقشانى اۋدارۋ، دەپوزيتتى ونلاين شەگەرۋ جانە ت. ب. سەكىلدى تقجب قىزمەتتەرى قولجەتىمدى.

بيىل تامىز ايىندا تاعى دا بىرقاتار قىزمەتتەر قولجەتىمدى بولادى، اتاپ ايتساق: شارتتى تولىق بۇزۋ، دەپوزيتتەردى بىرىكتىرۋ، ونلاين-ساقتاندىرۋ. سونىمەن قاتار ل. يبراگيموۆانىڭ ايتۋىنشا، بولاشاقتا ءتىپتى العاشقى دەپوزيتتى اشۋدى ونلاين فورماتقا اۋىستىرۋ جوسپارلانىپ وتىر.

"ول تۇتاستاي جاڭا ونلاين-قىزمەت بولادى. ءسىز اتالعان دەپوزيتتى بانكتىڭ فيليالىنا كەلمەستەن، ونلاين رەجيمىندە اشا الاسىز. ءبىز بۇل وتە دۇرىس شەشىم بولادى دەپ ويلايمىز. بۇل پاندەميامەن كۇرەسۋدىڭ ماڭىزدى شاراسى، مۇندا ادامدى تىكەلەي بايلانىسقا شاقىرمايمىز، فيليالدارىمىزدا ادامداردىڭ كوپتەپ جينالۋىن شەكتەيمىز"، — دەدى ول.

سونىمەن قاتار بانكتىڭ فيليالدىق جۇيەسى قارىز بەرۋ پروتسەسىنە شوعىرلاندىرىلاتىن بولادى. بۇل قارىز بەرۋ كەزىندە تۋىندايتىن كوپتەگەن شەكتەۋلەرگە بايلانىستى. مىسالى، باعالاۋشىنى شاقىرۋ، مامىلەنى نوتاريالدى راستاۋ جانە ت. ب. الايدا، ل. يبراگيموۆانىڭ ايتۋىنشا، بۇل ماسەلەدە دە بانك ونلاين-فورماتقا كوشۋ مۇمكىندىگىن قاراستىرۋدا جانە كەلەسى جىلى قازاقستاندا ونلاين-يپوتەكا پايدا بولۋى مۇمكىن.

"بۇگىندە زاڭنامالىق باستامالاردىڭ شاعىن توپتاماسىن دايىنداپ، يندۋستريا جانە ينفراقۇرىلىمدىق دامۋ مينيسترلىگىمەن، ۇلتتىق بانكپەن ماسەلەنى تالقىلاپ جاتىرمىز. ۇكىمەتكە كەيبىر زاڭدارعا وزگەرىستەر ەنگىزۋدى ۇسىنعىمىز كەلەدى، بۇل قازاقستاندا تولىققاندى ونلاين-يپوتەكا قۇرۋعا مۇمكىندىك بەرەدى، وندا ءسىز ۇيدەن شىقپاي-اق، ءوز ۇيىڭىزگە نەسيە رەسىمدەي الاسىز"، — دەپ حابارلادى ل. يبراگيموۆا.

ونىڭ ايتۋىنشا، قازىر بۇل ءىشىنارا جۇزەگە اسىرىلعان. بانكتە الدىن الا سارالاۋ قاراستىرىلعان. مۇندا كليەنت ءوزىنىڭ ەلەكتروندىق تسيفرلىق قولتاڭباسىنىڭ كومەگىمەن وتىنىمگە قول قويادى، ال بانك ءوز كەزەگىندە ونىڭ تولەم قابىلەتتىلىگىن ءبىرىنشى كرەديتتىك بيۋرونىڭ، زەينەتاقى قورىنىڭ دەرەكتەرى بويىنشا باعالايدى جانە سوڭىندا بەرىلۋى مۇمكىن ەڭ جوعارى سومانى كورسەتە وتىرىپ، سەرتيفيكات بەرەدى.

ء"بىز بۇل ونلاين-سەرۆيستى كەپىل شارتىن رەسىمدەۋگە، مەنشىك قۇقىعىن رەسىمدەۋگە دەيىن ەنگىزگىمىز كەلەدى. ۇيدەن شىقپاي-اق، يپوتەكا الۋ مۇمكىندىگىن قاراستىرامىز. بۇل ۇلكەن مىندەت. مەنىڭ ويىمشا، جىل سوڭىنا دەيىن زاڭنامالىق باستامالاردى تاعى دا تالقىلايمىز. كەلەسى جىلدىڭ باسىندا، وتباسى بانكى بولاتىن ۋاقىتتا، ءبىز ونى تولىعىمەن ەنگىزەمىز"، — دەپ حابارلادى تقجب باسقارما ءتورايىمى ل. يبراگيموۆا.

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار