بۇگىنگى تاڭدا جامبىل وبلىسىندا تولەم جاساۋعا 174 مىڭ 744 ادام ءوتىنىش بەرگەن. وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى ولجاس باققاراەۆتىڭ ايتۋىنشا, ءوءتىنىش بىلدىرگەندەردىڭ ىشىندە 163 مىڭ 546 جامبىلدىق تۇرعىندارعا مەملەكەت تاراپىنان 6,9 ميلليارد تەڭگە كولەمىندە كومەك كورسەتىلگەن. "اۆتوماتتى تۇردە, ياعني پرواكتيۆتى فورماتتا, وبلىستىڭ 65 مىڭ 127 تۇرعىنىنا تولەم تولەندى. ولاردىڭ قاتارىندا شەكتەۋ شارالارى سالدارىنان تابىسىنان ايرىلعاندار, الدىڭعى ايلاردا ءوتىنىش بىلدىرگەن ءجانە تولەم العان ادامدار دا بار", دەءيدى ولجاس باققاراەۆ.
سونىمەن قاتار, وبلىستىڭ بارلىق اۋدانىندا شتابتار جۇمىس ىستەيدى. ولاردىڭ قۇرامىندا جەرگىلىكتى اتقارۋشى ورگانداردىڭ, كاسىپكەرلەر پالاتاسىنىڭ, كاسىپوداق پەن ىشكى ىستەر دەپارتامەنتىنىڭ وكىلدەرى دە بار. بۇگىندە شتابتا كەلىپ تۇسكەن 20 مىڭ 342 ءوتىنىمنىڭ ىشىندە 20 مىڭ 030 ءوتىنىم قارالىپ, كوميسسيا مۇشەلەرىمەن 16 مىڭ 250 ءوتىنىش ماقۇلدانعان. ال, 3780 ءوتىنىش قاناعاتتاندىرىلماعان.
جامبىل وبلىسى
