اكتسيا اياسىنداعى قور

وسى تاراپتا قمدب «زەكەت قورى» ەلىمىزدە تىنىسى تارىلىپ، دەم جەتپەي جاتقان ناۋقاستاردى قولداۋ ماقساتىمەن «ومىرگە ءۇمىت سىيلا!» اكتسياسى اياسىندا قور جينادى. ەلدىڭ تۇكپىر-تۇكپىرىندەگى جاماعاتتىڭ اۋىز­بىرشىلىگى ارقاسىندا 450 وتتەگى كون­تسەنتراتورى جانە 3 ءوجت اپپاراتى مەجەلى ورىندارعا جەتكىزىلدى. جينالعان قاراجاتقا وتتەگى كون­تسەنتر­ا­­تورلارىنان بولەك، ەمدەۋگە قاجەتتى مەديتسينالىق قۇرال-جاب­دىق­تار، ءبىر رەتتىك بەتپەردەلەر، انتي­سەپتيكتەر، قولعاپ جانە تاعى باسقا زاتتار الىنعان. سونىڭ ىشىندە اتالعان اپپاراتتار اتىراۋ وبلىسىنا بەرىلسە، ال وتتەگى كونتسەن­ترا­تورلارى باسقا وڭىرلەرگە تابىس­تال­دى. مەجەلەگەن ايماقتار تىزىمىندە: تۇركىستان وبلىسىنا – 78، شىعىس قازاقستانعا – 62، سولتۇستىك قازاق­ستان­عا – 61، سەمەي وڭىرىنە – 57، جامبىل وبلىسىنا – 51، اقمولا وبلىسىنا – 43، پاۆلودار وبلىسىنا – 30، قوستاناي وبلىسىنا – 34، سىر وڭىرىنە – 7، ماڭعىستاۋعا – 3، تال­دىقور­عان وڭىرىنە – 22 جانە الماتى قالاسىنا 2 كونتسەنتراتور جەت­كىزىلدى. وسىنداي يگى ىستەر ناۋ­قاس­تاردىڭ دەنساۋلىعىنا وڭ اسەرىن بە­رىپ وتىر.

ەلوردادا وتتەگى كونتسەنتراتورلارى جەتكىلىكتى

كە­زەكتى كارانتين رەجىمى ەنگى­زىل­گەننەن بەرى ەلوردادا كوروناۆيرۋستىق ينفەكتسيانى جۇقتىرعاندار سانى كۇن ساناپ ازايۋدا. نۇر-سۇلتان قالاسىنىڭ №3 كوپسالالى اۋرۋحاناسىنا ەلوردا اكىمدىگىنەن 59 وتتەگى كونتسەنتراتورى الىندى. قۋانتارلىعى، ەلوردا تۇرعىندارىنىڭ باسىم كوپشىلىگى وسى وتتەگى كونتسەنتراتورلارى ارقى­لى ءتاۋىر بولا باستادى. سونداي-اق گۋمانيتارلىق كومەك اياسىندا قالاداعى اۋرۋحانالارعا كوروناۆيرۋس جانە پنەۆمونيانى ەمدەۋ ءۇشىن قوسىمشا مەديتسينالىق جابدىقتار اپتا سايىن كەلىپ جاتىر.

بۇدان بولەك، قايىرىمدىلىق جاساۋدىڭ باسى-قاسىندا جۇرگەن «قازاقستان ستۋدەنتتەر اليانسى» ۇيىمىن ايتپاي كەتۋگە بولمايدى. بۇگىنگى تاڭدا ۇيىم – ىزگىلىكتىڭ جارشىسى رەتىندە ءبىرتالاي ىسكە جاردەمىن تيگىزگەن.

«وسى ءىستىڭ باستاماسىن ناۋرىز ايىن­دا كارانتين رەجىمى ەنگىزىل­گەن­نەن كەيىن، ۆولونتەرلەر كومەگىمەن ۇيىمداستىرعان ەدىك. ولاردىڭ ىشىن­دە از قامتىلعان جانە كوپ بالالى وتباسىلارعا، تىل ەڭبەككەرلەرى مەن ۇلى وتان سوعىسى ارداگەرلەرىنە ەرىكتىلەر توبى قولۇشىن بەرىپ كەلەدى. بۇدان بولەك قازاقستان ستۋدەنتتەر اليانسىنىڭ 15 جىلدىعىنا وراي ءساۋىر ايىندا ءار وبلىسقا 1 500 مەديتسينالىق بەتپەردە، قولعاپ جانە ازىق-ت ۇلىك سەبەتتەرىن تاراتقان بولاتىنبىز»، دەيدى ۇيىم جەتەكشىسى ءىلياس تۇستىكباەۆ.

سونىمەن قاتار ستۋدەنتتىك ۇيىم ەلوردا اكىمدىگىنىڭ، Nur Otan پارتياسىنا قاراستى Jas Otan جاستار قاناتىنىڭ بەلسەندى وكىلدەرىمەن بىرلەسە وتىرىپ، ۆولونتەرلىك قىز­مەت­تەردى قۇلشىنا اتقارىپ، ەل يگى­لى­گىنە جۇمىس ىستەپ كەلەدى.

«وسى باعىتتا Instagram الەۋ­مەت­تىك جەلىسىندە جاستارى­مىز­دىڭ كومەگىمەن كولەمدى قاراجات جينالدى. جۋىردا 3 وتتەگى كونتسەنتراتورى جەتكىزىلەدى جانە تاعى 3-ەۋىنە تاپسىرىس بەرىپ قويدىق. بۇعان قوسا 10 مىڭ مەديتسينالىق بەتپەردە مەن قاجەتتى ءدارى-دارمەك قورىن تەگىن تاراتاتىن بولامىز»، دەيدى ۇيىم باسشىسى.

وڭىرلەردەگى مازاسىزدىق باسىلدى

قازىرگىدەي سانيتارلىق-ەپي­دە­ميالىق احۋالدىڭ الماعايىپ كەزەڭىندە اۋرۋحانالاردا ەمدەلىپ جاتقان ءار ناۋقاستىڭ دەنساۋلىعى ماڭىزدى. سوندىقتان دا ەلىمىزدە توتەنشە جاعداي جاريالانعاننان باستاپ، ەلدى مەكەندەردە اۋرۋدىڭ الدىن الۋ جانە جۇقپالى ىندەتتىڭ تارالماۋى ءۇشىن كوپتەگەن جۇمىس قولعا الىندى.

بۇگىندە قالا جۇرتشىلىعىنان بولەك، اۋىل حالقى دا ءوز جۇرتىنا سەپتەسىپ ءجۇر. بىرنەشە اۋداندا بىرىڭعاي قور جينالىپ، ءتيىستى مەديتسينالىق جابدىقتار مەن وتتەگى كونتسەنتراتورلارى الىنۋدا. وسىعان بايلانىستى الماتى وبلىسى، Nur Otan پارتياسىنا قاراستى ۇيعىر اۋداندىق فيليالىنىڭ كونسۋلتانتى اقجول نۇرداۋلەت ۇلىمەن از-كەم تىلدەسۋدىڭ ءساتى ءتۇستى.

– ادۋىندى دەرت تالاي ادامدى اۋرۋحانا توسەگىنە تاڭىپ، اجال قۇشتىرىپ جاتقانى جاسىرىن ەمەس. قولۇشىن سوزىپ، وكپەنى جاساندى تىنىستاندىراتىن قۇرىلعىلاردىڭ تاپشىلىعىن ەسكەرە وتىرىپ، تىم بولماسا سونىڭ بىرەۋىن ساتىپ الۋ ءۇشىن قولىمىزدان كەلگەنشە قاراجات جيناۋدى باستادىق. اۋداننىڭ بەلسەندى جاستارى ءبىر كىسىدەي از ۋاقىتتىڭ ىشىندە ءتيىستى قاراجاتتى جينادى. اۋداندىق ورتالىق اۋرۋ­حانانىڭ باسشىلىعىمەن اقىل­داسا وتىرىپ، ەڭ قاجەت دەگەن قۇ­رىل­عىلاردى سۇراستىرىپ، وتتەگى كونتسەنتراتورى اپپاراتىن، سونىمەن قوسا كۆارتسلامپا، ەلەكترووتسوس، رەتسيريكۋلياتور جانە ناۋقاستارعا ارنالعان ىدىس-اياق سىندى قاجەت­تى­لىك­تەردى تابىستادىق، – دەيدى اقجول نۇرداۋلەت ۇلى.

سونىمەن قاتار اۋداننىڭ ەل اعا­لا­رى مەن كاسىپكەر ازاماتتارى، جۇك كولىگىن جۇرگىزەتىن ەرلەر قاۋىمى، اسكەري قىزمەتكەرلەر جانە «ۇرپاق پارىزى» قوعامدىق بىرلەستىگى اۋدان­دىق ورتالىق اۋرۋحاناعا كومەك قو­رىن جەتكىزىپ تۇرۋدى باقىلاۋعا ال­عان.

اقجول نۇرداۋلەت ۇلى قازىر اۋداندا كارانتين رەجىمى قاتاڭ ساقتالعانىن، سونداي-اق ەستيار بالادان ەڭكەيگەن قارتقا دەيىن بەتپەردەسىز اتتاپ باسپاۋ كەرەكتىگىن كوكەيگە مىقتاپ تۇيگەنىن اتاپ ءوتتى.