بۇرىن حابارلانعانداي, ازاماتتاردىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناما تالاپتارىنىڭ, سونداي-اق گيگيەنا ستاندارتتارىنىڭ ساقتالۋىن باقىلاۋ ماقساتىندا الماتى قالاسىندا اكىمدىك, سەس جانە پوليتسيا قىزمەتكەرلەرى اراسىنان ارنايى مونيتورينگتىك توپتار قۇرىلدى جانە 5 شىلدەدەن باستاپ قر اقبك-ءنىڭ 425-بابىنا سايكەس 1358 ادامدى اكىمشىلىك جاۋاپكەرشىلىككە تارتتى, ولاردىڭ 120-سى وتكەن كۇنى انىقتالدى.
"ازاماتتاردىڭ كوپ كەلەتىن ورىندارى, قىزمەت كورسەتۋ وبەكتىلەرى, تاماقتانۋ جانە ت.ب.جەرلەر ۇنەمى تەكسەرىلىپ وتىرادى. سونىمەن قاتار, سانيتارلىق دارىگەردىڭ تالاپتارىنا سايكەس كەلمەيتىن ماسساج, سۇلۋلىق سالوندارى, بارلار, مەيرامحانالاردى انىقتاۋ بويىنشا جەدەل بولىمشەلەر جۇمىس ىستەيدى. ارنايى رەيدتىك شارالار بارلىق جەردە جانە تۇراقتى نەگىزدە جۇرگىزىلەدى", - دەدى الماتى پوليتسياسىندا.
ءتارتىپ ساقشىلارى كەزەكتى رەت تۇرعىنداردى كارانتين شارالارىن قاتاڭ ساقتاۋعا, بەتپەردە كيىپ, الەۋمەتتىك قاشىقتىقتى ساقتاۋعا شاقىرادى.
