الەم • 01 تامىز، 2020

ۇلىبريتانيا ۇكىمەتى COVID-19-عا قاتىستى شەكتەۋلەردى المايتىن بولدى

17 رەت كورسەتىلدى

ۇلىبريتانيا پرەمەر-ءمينيسترى  بوريس دجونسون COVID-19-عا قاتىستى شەكتەۋلەردىڭ ازىرگە الىنبايتىنىن قىنجىلا وتىرىپ جەتكىزدى، دەپ حابارلايدى Reuters.

"تامىزدىڭ باسىندا شەكتەۋلەردى الىپ تاستايمىز دەپ جوسپارلاعانىمىزبەن جاعدايعا بايلانىستى ولاردى قالدىرۋدى ۇيعاردىق. بۇل كوپتەگەن ادامدار ءۇشىن اۋىر سوققى ەكەنىن بىلەمىز، بىراق اماندىق بارىنەن قىمبات. سوندىقتان ونداي تاۋەكەلگە بارا المادىق"، دەگەن بوريس دجونسون.

1 تامىزدان باستاپ كوپشىلىك كوڭىل كوتەرەتىن ورىندار اشىلادى. تەاترلاردا سپەكتاكلدەر قويىلىپ، ارتىستەر كورەرمەنمەن قاۋىشىپ، 30 ادام جينالۋعا رۇقسات بەرەتىن ءتۇرلى قابىلداۋلار مەن ۇيلەنۋ تويلارى وتكىزىلىپ، بوۋلينگ كلۋبتارى مەن كازينولار اشىلادى دەپ الاقاندارىن ىسقىلاپ كۇتىپ وتىرعانداردىڭ ۇمىتتەرىنە سۋ سەپكەندەي. ۇكىمەت باسشىسىنىڭ ايتۋىنشا شەكتەۋلەر  ەكى اپتادان كەم بولمايتىنداي جانە تامىزدىڭ 8-نەن باستاپ تۇمشا تاعىپ ءجۇرۋ رەجىمى كۇشەيتىلەتىن كورىنەدى.

سوڭعى جاڭالىقتار

ۇقساس جاڭالىقتار