قازاقستان • 01 تامىز، 2020

بالالارعا ماسكا تاعۋ مىندەتتى ەمەس

22 رەت كورسەتىلدى

دەنساۋلىق ساقتاۋ ءمينيسترى الەكسەي تسوي قوعامدىق ورىنداردا ماسكا تاعۋدى مىندەتتەيتىن بۇيرىققا وزگەرىس ەنگىزدى. ەندى بۇل ەرەجە بالالار ءۇشىن جانە اشىق اۋادا جاتتىعۋ جاسايتىندار ءۇشىن مىندەتتى ەمەس، - دەپ حابارلايدى Egemen.kz

"سانيتاريالىق-ەپيدەمياعا قارسى جانە سانيتاريالىق-پروفيلاكتيكالىق ءىس-شارالاردى ۇيىمداستىرۋ مەن جۇرگىزۋدىڭ كەيبىر ماسەلەلەرى تۋرالى" ءمينيستردىڭ 2020 جىلعى 5 شىلدەدەگى بۇيرىعىنا وزگەرىستەر ەنگىزىلدى.

10-تارماقتىڭ 7) جانە 9) تارماقشالارى مىناداي رەداكتسيادا جازىلسىن:

7) قوعامدىق ورىنداردا، حالىقتىڭ كەلۋىنە، قىزمەت كورسەتۋىنە جانە دەمالۋىنا ارنالعان نىسانداردا، قوعامدىق كولىكتە، بەس جاسقا دەيىنگى بالالاردى جانە سونداي-اق الەۋمەتتىك قاشىقتىقتى ساقتاي وتىرىپ قوعامدىق تاماقتانۋ ورىندارىن قوسپاعاندا مەديتسينالىق نەمەسە ماتا ماسكالارىن تاعۋ مىندەتتى، 

9) قوعامدىق ورىنداردا اشىق اۋادا مەديتسينالىق نەمەسە ماتا ماسكالارىن تاعۋ مىندەتتى، بۇعان بەس جاسقا دەيىنگى بالالاردى قوسپاعاندا الەۋمەتتىك قاشىقتىقتى ساقتاي وتىرىپ، بەس ادامنان اسپايتىن جەكە، توپ بويىنشا سپورتپەن اينالىساتىن ادامدار كىرمەيدى دەلىنگەن جاڭارتىلعان قۇجاتتا.

سوڭعى جاڭالىقتار

ۇقساس جاڭالىقتار