مەديتسينا • 31 شىلدە، 2020

ج.بەكشين: دەزينفەكتسيا ادام اعزاسىنا قاۋىپسىز ەرىتىندىدەن جاسالادى

19 رەت كورسەتىلدى

الماتى قالاسىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتارلىق دارىگەرى جانداربەك بەكشين مەگاپوليستە جۇرگىزىلىپ جاتقان اۋقىمدى دەزينفەكتسياعا قاتىستى تۇسىنىكتەمە بەرىپ، ونى كوروناۆيرۋس ينفەكتسياسىنىڭ الدىن الۋدا ماڭىزدى قۇرالداردىڭ ءبىرى دەپ اتادى، دەپ حابارلايدى Egemen.kz

ج.بەكشين بۇكىل الەمدە ەرەكشە قاۋىپتى ينفەكتسيالاردىڭ الدىن الۋدا دەزينفەكتسيا جاساۋ ءتيىمدى ادىستەردىڭ ءبىرى بولىپ تابىلاتىنىن اتاپ ءوتتى. كوروناۆيرۋس تا قاۋىپتى ينفەكتسياعا جاتادى.

"كوروناۆيرۋس اۋادا كوپ تۇرمايتىن ۆيرۋس بولىپ تابىلادى. ول بەتكى قاباتتارعا قونادى: تۇتقا، باسپالداقتى مارشتاردا، ەسىك تۇتقالارىندا، اۋلا اۋماقتارىندا، سول سەبەپتى دەزينفەكتسيا جۇرگىزۋ قاجەت"، دەدى ول.

سونىمەن بىرگە، جانداربەك بەكشين كوروناۆيرۋسپەن كۇرەستە سەرتيفيكاتتالعان، تەك قازاقستاندا عانا ەمەس، سونىمەن بىرگە، ەەو ەلدەرىندە تىركەلگەن دەزينفەكتسيالىق قۇرالدار پايدالانىلاتىنىن ايتتى. نەگىزىنەن بەلگىلى مولشەردەگى گليۋكوزامين جانە اكما حلور قولدانىلادى، ولار ادام ءۇشىن قاۋىپسىز: گليۋكوزامين 0،003 % مولشەرلىك دوزاسىندا، اكما حلور 0،05 مولشەرىندە پايدالانىلادى، بۇل – قاۋىپسىز ەرىتىندى.

قالا اۋماعىن دەزينفەكتسيالاۋدا پايدالانىلاتىن  دەزينفەكتسيالىق قۇرالداردىڭ مولشەرىنە تۇراقتى تۇردە باقىلاۋ جۇرگىزىلەدى.

"بيىلعى جىلى مەردىگەر ۇيىمداردىڭ جۇمىسى كەزىندە لابوراتوريالىق تەكسەرۋ ءۇشىن 285 سىنامانى ىرىكتەپ الدىق. وسى ۇيىمداردىڭ جۇمىسىنا ۇنەمى زەرتزانالىق باقىلاۋ جۇرگىزىلەدى"، دەپ اتاپ ءوتتى قالانىڭ باس مەملەكەتتىك سانيتار دارىگەرى ج.بەكشين. 

سونىمەن بىرگە، جانداربەك بەكشين الەۋمەتتىك جەلىلەردە دەزينفەكتسيالىق جۇمىستاردان پنەۆمونيا تۋىندايدى-مىس دەپ تارالىپ جۇرگەن اقپاراتقا قاتىستى تۇسىنىكتەمە بەرىپ ءوتتى. شاھاردىڭ باس سانيتار دارىگەرى دەزينفەكتسيا پنەۆمونيا تۋدىرادى دەگەن پىكىردى جوققا شىعاردى.

ج.بەكشيننىڭ ايتۋىنشا، پنەۆمونيا كەزىندە اسقىنۋلاردىڭ پايدا بولۋى ازاماتتاردىڭ ءوزىن-ءوزى ەمدەۋمەن اينالىسۋلارىنان. كوبى ءوز بەتتەرىنشە انتيبيوتيكتەر قابىلدايدى. كەز كەلگەن دەرتتى وسى سالادا قاجەتتى ءبىلىمى بار دارىگەر، بىلىكتى مامان ەمدەۋى كەرەك. بىلىمسىزدىك پەن ءوزىن ءوزى ەمدەۋ اسقىنۋلارعا اكەلىپ، سوڭى قايعىلى اياقتالۋى دا مۇمكىن.

تقسقبد اقپاراتىنا سايكەس، ەتيولوگياسى انىقتالماعان پنەۆمونيا بۇل كوروناۆيرۋستى تاراتۋشىلاردا ونىڭ بەلگىلەرى جوق دەگەندى بىلدىرەدى. كەيبىر جاعدايلاردا كوروناۆيرۋس جوعارعى تىنىس الۋ جولدارىىڭ شىرىشتى قاباتىندا بولىپ، اۋرۋ بەلگىلەرى بايقالمايدى، الايدا تىنىس الۋ جولدارىنىڭ تومەنگى بولىكتەرىنە تۇسسە، وكپەنىڭ  قابىنۋىنا، پنەۆمونياعا اكەلىپ سوعادى.

"ينفەكتسيا جوعارعى تىنىس الۋ جولدارىنان وكپەگە وتەدى. جوعارعى تىنىس الۋ ورگاندارى تازارادى، جانە ناۋقاس، اۋرۋ بەلگىلەرى جوق تاراتۋشى مەديتسينالىق ۇيىمعا تۇسكەن كەزدە پتر دياگنوستيكا ناتيجە كورسەتپەيدى. وكپەنىڭ تومەنگى بولىگىنەن قاقىرىق الۋ كەرەك، سەبەبى ينفەكتسيا سولاي قاراي ءوتىپ كەتەدى"، دەپ ءتۇسىندىردى ج.بەكشين.

ينفەكتسيا وكپەگە تۇسكەن كەزدە ونى پتر ارقىلى انىقتاۋ ءتيىمسىز بولادى. ينفەكتسيانى انىقتاۋ ءۇشىن دياگنوستيكالاۋدىڭ كۇردەلى تۇرلەرى قاجەت. وسىلايشا، اۋىرعانى جايلى بىلمەيدى دە، ونى ەمدەمەي، اسقىندىرىپ الادى.

"بۇگىنگى تاڭدا قالانىڭ ستاتسيونارلارىندا وسىنداي 700-گە جۋىق ناۋقاس بار، ولار ءوز كەزىندە اۋرۋ بەلگىلەرىنسىز ۆيرۋس تاسىمالداۋشىلار بولعان، بولماسا وزدەرىن ەمدەۋمەن اينالىسقان. بۇل ەتيولوگياسى انىقتالماعان پنەۆمونيانىڭ پايدا بولۋ سەبەبى..."، دەپ تولىقتىردى ج.بەكشين.

وسى ماسەلەنى تۇسىندىرە وتىرىپ، ج.بەكشين كوروناۆيرۋستى جۇقتىرعان ادامداردا پتر تەست ناتيجەسى تەرڭس ناتيجە كورسەتكەن جاعدايلاردى مىسالعا كەلتىردى. مەديتسينالىق تاجىريبەدە مۇنداي ناۋقاستار مالىمەتتەردى anamnesis morbi ناۋقاستىڭ شاعىمدانۋى جانە anamnesis vitae ءومىر ءسۇرۋ جاعدايى، قىزمەتى، وتباسى جانە تاعى باسقالارى ارقىلى انىقتالادى. ەگەر anamnesis vitae كەزىندە ناۋقاستىڭ وتباسى مۇشەلەرىنىڭ ءبىرى اۋىرعان بولسا، جانە وندا كوروناۆيرۋستىڭ پتر تەست ناتيجەسى وڭ شىقسا، وندا ناۋقاستىڭ اۋرۋدىڭ بەلگىلەرى بولماۋىنا بايلانىستى وعان دەر كەزىندە شارا قولدانباعان تاراتۋشىسى بولىپ سانالادى، جانە سونىڭ سالدارى ەتيولوگياسى انىقتالماعان پنەۆمونياعا اكەپ سوعادى.

كەيدە ءبىر وتباسىدا كۇيەۋىندە پتر ناتيجەسى وڭ شىعىپ، ال ايەلىندە تەرىس ناتيجە كورسەتەدى. الايدا ايەلىندە ەتيولوگياسى انىقتالماعان. الايدا ەكەۋى دە ءبىر بىرىمەن بايلانىس جاسايدى"، دەپ ءتۇسىندىرىپ ءوتتى ج.بەكشين. ول سول سەبەپتى دە قالاداعى تەك قوعامدىق ورىنداردا عانا ەمەس، ۇيدە دە دەزينفەكتسيا جاساۋدى ۇسىنادى.

ەگەر وتباسىندا ءبىر ادام اۋىرىپ قالىپ، اۋرۋ بەلگىلەرى بولماسا، ول ءبارىبىر سىرتقى ورتاعا ۆيرۋس تاراتادى، ءوزىنىڭ جاقىندارىنىڭ اۋرۋ جۇقتىرۋىنا سەبەپكەر بولادى.

سوڭعى جاڭالىقتار

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

جىراقتا وتكەن جيىرما جىل

وقيعا • بۇگىن، 08:16

وليمپيادا رەيتينگى جاڭاردى

سپورت • بۇگىن، 07:52

3ZHAŃAÁDET چەللەندجى

قوعام • بۇگىن، 07:42

ءومىردىڭ جالىنان ۇستاعان...

رۋحانيات • بۇگىن، 07:39

احاڭدى الاڭداتقان حلۋدوۆ

تانىم • بۇگىن، 07:35

قيال قۇشاعىنداعى ايشا

قوعام • بۇگىن، 07:23

ادىلدىكتەن اسقان ابىروي جوق

رۋحانيات • بۇگىن، 07:20

توي تويعا ۇلاسا ما؟

قوعام • بۇگىن، 07:18

ماسك نەگە مارسقا اسىعادى؟

قوعام • بۇگىن، 07:14

ۇقساس جاڭالىقتار