سەبەبى ناۋرىز ايىنان باستاپ سىر بەرمەي كەلە جاتقان رەسەي ءرۋبلى سوڭعى اپتادا 7,2 پايىزعا تومەندەپ, 68.23-تەن 73.17 دوللارعا دەيىن تومەندەي باستادى.
ساراپشىلار رەسەي ۆاليۋتاسى, ەڭ الدىمەن, رەسەي ورتالىق بانكىنىڭ بازالىق باعامىنىڭ تاعى ءبىر تومەندەۋى اياسىندا السىرەگەنىن ايتادى.
قارجىگەر ەرلان يبراگيم بىزبەن اڭگىمەسىندە قاتار, رەسەيگە قارسى جاڭا سانكتسيالار ۆاليۋتاسىنا كەرى اسەر ەتكەنىن ايتادى. رەسەيدە سالىق اپتاسى جانە شەتەلدىك ينۆەستورلاردىڭ ءىرى رەسەيلىك كومپانيالاردىڭ ديۆيدەندتەردى تولەمدەرىن رۋبلگە ايىرباستاۋى اياقتالدى. قىسقا مەرزىم ىشىندە جۇرگىزىلگەن وپەراتسيالار ۆاليۋتا باعامىنىڭ ديناميكاسىنا تەرىس اسەر ەتۋى مۇمكىن.
رەسەي – قازاقستاننىڭ نەگىزگى ساۋدا سەرىكتەستەرىنىڭ ءبىرى. ەۋروپالىق وداقپەن جانە قىتايمەن ءوزارا ساۋدانىڭ ايتارلىقتاي كولەمىنە قاراماستان, رەسەيدىڭ قازاقستاننىڭ جالپى يمپورتىنداعى ۇلەسى وسى جىلدىڭ ءبىرىنشى توقسانىندا بارلىق يمپورتتىڭ 42%-عا دەيىن ءوستى. تەڭگە دە رۋبلگە قاتىستى السىرەگەنىن كورىپ وتىرمىز. ەكونوميكالىق تاۋەلدىلىكتىڭ بولعانىمەن دە, رۋبل تەڭگە / دوللار باعامىنداعى باسىم فاكتور ەمەس ەكەنىن تاعى دا كورىپ وتىرمىز.
ەكونوميستەردىڭ پىكىرىنشە, رۋبلگە اسەر ەتەتىن فاكتورلاردىڭ بارلىعى تەڭگەگە تىكەلەي اسەر ەتپەيدى, تەك رۋبل باعامى ارقىلى جاناما تۇردە عانا اسەر ەتەدى.
ء"بىزدىڭ ۆاليۋتا باعامىمىز ىشكى جانە سىرتقى فاكتورلاردىڭ, سونىڭ ىشىندە مۇناي باعاسىنىڭ وزگەرۋى مەن جاھاندىق ينۆەستورلاردىڭ تاۋەكەلگە تاۋەلدىلىگىنىڭ نەگىزىندە قالىپتاسادى. قازاقستان 9 پايىزدىق مولشەرلەمەنىڭ جاعىمدى قۇبىلىستى قالىپتاستىرىپ وتىر. بۇل ينۆەستيتسيالىق جاعىمدى كليمات ءۇشىن دە دەر كەزىندە قابىلدانعان شەشىم. تەڭگە مەن ءرۋبلدىڭ قارجى قۇرالدارى اراسىنداعى كەڭەيتىلگەن باعامدىق ايىرماشىلىق تا تۇراقتىلىققا اسەر ەتەدى. قازاقستان ۇلتتىق بانكى مەن رەسەيدىڭ ورتالىق بانكىنىڭ باعامى اراسىنداعى ايىرماشىلىق قازىردىڭ وزىندە 5 پايىزعا دەيىن ءوستى.
ءبىزدىڭ رۋبلگە تاۋەلدىلىك دەڭگەيىمىز ءابسوليۋتتى ەمەس جانە تەڭگە وتە ەركىن ۆاليۋتا, سوڭعى التى ايدا ول ءوزىن-ءوزى قورعاۋعا قابىلەتتى ەكەنىن كورسەتتى. . بۇعان ەكونوميكانى ءارتاراپتاندىرۋ بويىنشا مەملەكەتتىك باعدارلامالار مەن بيزنەسكە ارنالعان ارزان نەسيەلەر دە اسەر ەتتى» دەپ ءسوزىن تۇيىندەدى ەرلان يبراگيم.
