"قاسيەتتى قۇربان ايت مەرەكەسى قۇتتى بولسىن! سوڭعى ايلاردا ءبىزدىڭ ءومىرىمىز كۇرت وزگەردى.ءبىز دە وزگەردىك. بۇگىنگە دەيىن, كوپ ءمان بەرىلمەگەن قۇندىلىقتار: دەنساۋلىق, جاقىندارىمىزدىڭ اماندىعى, قاراپايىم قارىم-قاتىناس ەڭ باستى ءارى قىمبات قۇندىلىقتار ەكەنىن ءومىر بىزگە تاعى ءبىر رەت دالەلدەدى", - دەپ جازدى ول.
مينيستر بۇرىن مەنتاليتەتىمىزگە سايكەس, كۇندەلىكتى تىرشىلىكتە قاراپايىم دۇنيە ءتارىزدى بولىپ ەسەپتەلگەن كەيبىر ارەكەتتەرىمىز بۇگىندە ەرەجە بۇزۋشىلىق بولىپ سانالاتىنىن ايتتى.
ياعني, ەپيدەميولوگيالىق احۋالدى قاداعالاۋ ءۇشىن ەڭگىزىلگەن ەرەجەلەر – قوناققا بارۋ, ادامدارمەن ارالاستىعىمىزدى ازايتۋ, مەرەكەلىك جانە ءداستۇرلى شارالاردى اتقارۋ باعىتىندا بەلگىلەنگەن جاڭا ەرەجەلەر تالابىن ورىنداۋ قازىر اسا ماڭىزدى. بىراق زامانا تالاپتارى وزگەرسە دە – ىزگىلىك, ماحاببات پەن ادامگەرشىلىك, دوستىق پەن كەلىسىم مانگىلىك قىمبات قۇندىلىقتارىمىز بولىپ قالا بەرەدى.سىزدەرگە اشىق اسپان, زور دەنساۋلىق, تۋىستارىڭىز بەن جاقىندارىڭىزعا وسىناۋ قيىن كەزەڭدى ابىرويمەن وتكىزۋگە كۇش جىگەر مەن قاجىماس قايرات تىلەيمىن. قۇربان ايت قابىل بولسىن, - دەدى مينيستر.
