"وسكەمەندەگى بىرقاتار نىساننىڭ قۇرىلىسىن باقىلاپ, قايتا قۇرۋ بارىسىمەن تانىستىم. جمك شاعىن اۋدانىندا تۇرعىنداردىڭ تىلەكتەرىنە سايكەس, اۋلالاردى جوندەۋ جانە اباتتاندىرۋ جۇمىستارى جالعاسۋدا. وكىنىشكە وراي, 10 جىل بۇرىن مۇنداعى جەر جەكە مەنشىككە ساتىلىپ كەتكەن. سوندىقتان قۇرىلىس رەتسىز جۇرگىزىلۋدە. بىراق, ءبىز ونى اباتتاندىرامىز, الداعى ۋاقىتتا قالامىزداعى ەڭ جاقسى اۋدانداردىڭ ءبىرى بولادى", دەيدى وبلىس اكىمى دانيال احمەتوۆ.
وبلىس باسشىسىنىڭ ايتۋىنشا, وسكەمەن اۋەجايىنىڭ ۇشۋ-قونۋ جولاعىن قايتا جاڭارتۋ جۇمىستارى باستالىپ كەتتى. جۇمىس تاۋلىك بويى جۇرگىزىلىپ جاتىر. جوندەۋ كەزىندە رەيستەردى سەمەي اۋەجايى قابىلدايتىن بولادى. 10 كۇن ىشىندە ارنايى كەستە جاسالىپ, وندا بارلىق ماسەلەلەر ەسكەرىلىپ, جوندەۋ جۇمىستارى جازىلادى. قازىرگى تاڭدا قاجەتتى دايىندىقتار جۇرگىزىلىپ جاتقانىن اتاپ ءوتتى.
سونداي-اق, ولگا رىپاكوۆا اتىنداعى جەڭىل اتلەتيكا مانەجىندە جاڭا زال سالىندى. الەمدىك ستاندارتقا ساي بوي كوتەرگەن كەشەندە ءبىرىنشى حالىقارالىق چەمپيونات وتەدى دەگەن بولجام بار.
