استانانىڭ بايىرعى تۇرعىنى, وتان سوعىسىنىڭ ارداگەرى, بەلگىلى قالامگەر ءاسكەن نابيەۆتىڭ ومىردەن ءوتكەنىنە ءبىراز ۋاقىت بولعان ەدى. جاقىندا قالامگەر تۇرعان ۇيگە ەسكەرتكىش تاقتا ورناتىلدى.
استانانىڭ بايىرعى تۇرعىنى, وتان سوعىسىنىڭ ارداگەرى, بەلگىلى قالامگەر ءاسكەن نابيەۆتىڭ ومىردەن ءوتكەنىنە ءبىراز ۋاقىت بولعان ەدى. جاقىندا قالامگەر تۇرعان ۇيگە ەسكەرتكىش تاقتا ورناتىلدى.
ونىڭ العاشقى تىرناقالدى دۇنيەلەرى 1947 جىلى جارىق كورىپتى. «پەريزات», «شولپان», «قانات قاققاندا», «اسقار اسۋلار», تاعى باسقا دا جىر جيناقتارى مەن پروزالىق ەڭبەكتەرى وقىرماندار قولىنا ءتيىپ, جوعارى باعاسىن العان. بۇكىل سانالى عۇمىرىن ۇلت رۋحانياتىنا ارناعان جازۋشى وبلىستىق بەلدى باسىلىمداردىڭ رەداكتسيالارىندا قىزمەت اتقارعان. ودان كەيىن 25 جىل بويى قازاقستان جازۋشىلار وداعىنىڭ اقمولا وبلىسى بويىنشا كەڭەسشىسى بولعان.
كىتاپتارىنا سوعىس قاھارماندارى مەن ەلدى مەكەندەردەگى قاراپايىم ادامداردىڭ ەرلىكتەرى مەن ەڭبەكتەرىن ارقاۋ ەتكەن اسكەن نابيەۆكە ورناتىلعان ەسكەرتكىش تاقتانى اشۋ راسىمىنە جينالعان جۇرتتىڭ قاراسى ءبىراز بولدى. اسىرەسە, زامانداستارى مىنا قۇرمەتكە ءدان ريزالىقتارىن ءبىلدىرىپ جاتتى. ءسوز العانداردىڭ اراسىندا بۇرىنعى ءماجىلىس دەپۋتاتتارى امانگەلدى سىزدىقوۆ, جەكەن قاليەۆ, جازۋشى امانتاي كاكەن ءاسكەن اعامىزدىڭ شىعارماشىلىعىنا جان-جاقتى توقتالىپ, جۇبايى فاريدا ەكەۋى 11 بالانى تاربيەلەپ ءوسىرگەنىن, ۇلگىلى وتباسى بولعانىن, ۇرپاعى قازىر تاۋەلسىز ەلىنە كىناراتسىز قىزمەت ەتىپ جاتقانىن دا باسا ايتتى. قالامگەرگە كورسەتكەن قۇرمەت, بۇل ۇلت جاناشىرىنا جاساعان جاقسىلىق دەگەن بايلامدارىن دا العا تارتتى.
سۇلەيمەن مامەت,
«ەگەمەن قازاقستان».
