ۇكىمەت • 28 شىلدە، 2020

قازاقستاندا ەپيدەميولوگيالىق جاعداي تۇراقتالۋدا

46 رەت كورسەتىلدى

قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا ەپيدەميولوگيالىق احۋال جانە كوروناۆيرۋس ينفەكتسياسىمەن كۇرەسۋ شارالارى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى، - دەپ جازادى Egemen.kz

دەنساۋلىق ساقتاۋ ءمينيسترى  ا.تسوي، نۇر-سۇلتان قالاسىنىڭ اكىمى ا. كولگىنوۆ، الماتى قالاسىنىڭ اكىمى ب. ساعىنتاەۆ، شىمكەنت قالاسىنىڭ اكىمى م. ايتەنوۆ، ماڭعىستاۋ وبلىسىنىڭ اكىمى س. ترۇموۆ، قوستاناي وبلىسىنىڭ اكىمى ا. مۇحامبەتوۆ بايانداما جاسادى. 

بيىل 2 تامىزدا اياقتالاتىن كارانتين رەجيمى كەزەڭىندە قازاقستاندا ەپيدەميولوگيالىق جاعداي تۇراقتاندى، مەديتسينا ۇيىمدارىنىڭ جۇكتەمەسى ءبىرشاما ازايدى. قر-دا COVID-19-دان ساۋىعىپ كەتكەندەردىڭ سانى 63%-دان استى. اۋرۋ جۇقتىرۋدىڭ تاۋلىكتىك ءوسىمى 4%-دان 1،7%-عا دەيىن ازايدى، ستاتسيونارلارداعى ورىنداردىڭ جۇكتەمەسى 46%-عا دەيىن، جەدەل جاردەمدى شاقىرتۋلار سانى 38%-عا تومەندەدى. وڭىرلەر ءدارى-دارمەكتىڭ جەتكىلىكتى قورىمەن قامتاماسىز ەتىلگەن. 

"ەپيدەميولوگيالىق جاعدايدى ودان ءارى جاقسارتۋىمىز قاجەت. بۇگىن دەنساۋلىق ساقتاۋ مينيسترلىگى كارانتيندىك شارالاردى بىرتىندەپ الۋ جوسپارىن ۇسىنىپ وتىر. اعىمداعى جاعدايدى جانە وسى ايدىڭ قورىتىندىسىن ەسكەرە وتىرىپ، مەملەكەتتىك كوميسسيانىڭ وتىرىسىندا بۇل جوسپار قاراستىرىلىپ، ءتيىستى شەشىم قابىلداناتىن بولادى"، - دەدى ا. مامين.

سوڭعى جاڭالىقتار

ۇقساس جاڭالىقتار