رۋحانيات • 27 شىلدە، 2020

"زەكەت قورى" اۋرۋحانالارعا 450 وتتەگى كونتسەنتراتورىن جەتكىزدى

27 رەت كورسەتىلدى

وسىدان ەكى اپتا بۇرىن قمدب "زەكەت" قورى ەلىمىزدە تىنىسى تارىلىپ، دەم جەتپەي جاتقان ناۋقاستاردى قولداۋ ماقساتىمەن "ومىرگە ءۇمىت سىيلا!" اكتسياسىن جاريالادى، دەپ حابارلايدى Egemen.kz

قمدب-نىڭ جانە "زەكەت" قورىنىڭ رەسپۋبليكانىڭ تۇكپىر-تۇكپىرىندەگى وكىلدىكتەرى اكتسياعا ءبىراۋىزدان ءۇن قوسىپ، وبلىستارداعى باس يمامداردىڭ ناسيحاتى ناتيجەسىندە قىسقا ۋاقىتتا اۋىز تولتىرىپ ايتارلىقتاي ءىس تىندىردى. وڭىرلەردەگى جاناشىر ازاماتتار مەن جاماعاتتىڭ بىرلىگىنىڭ ارقاسىندا اۋرۋحانالارعا 450 وتتەگى كونتسەنتراتورى مەن 3 يۆل اپپاراتى جەتكىزىلدى.

– قازىرگى جاعداي كىم-كىمگە دە بولماسىن وڭاي ءتيىپ جاتقان جوق. بىراق سوعان قاراماستان سىن ساتىندە سىنىپ كەتپەي، باۋىرىنا قورعان، جاقىنىنا جاناشىر بولعان ەل ازاماتتارىنا العىسىمىز شەكسىز. بۇل اكتسيا ءالى دە جالعاسادى. جينالعان قاراجاتقا وتتەگى كونتسەنتراتورلارىنان بولەك، قاجەتتى مەديتسينالىق قۇرال-جابدىقتار، بەتپەردە، انتيسەپتيك، قولعاپ جانە تاعى باسقا زاتتار الىنىپ جاتقانىن ەسكە سالامىز. ەڭ باستىسى، ءبىر ادامنىڭ بولسا دا ءومىرىن قۇتقارىپ قالام دەگەن نيەتىمىزدى اللا قابىل ەتىپ، سىرقاتتاردىڭ تەزىرەك ساۋىعىپ كەتۋىن جانە وسى ىندەتتەن تەزىرەك قۇتىلۋىمىزدى تىلەيمىز"، دەيدى "زەكەت" قورىنىڭ ديرەكتورى تالعات وماروۆ. 

تارقاتىپ ايتار بولساق، 3 يۆل اپپاراتى اتىراۋ وبلىسىنىڭ اۋداندارىنا جەتكىزىلسە، وتتەگى كونتسەنتراتورلارى رەسپۋبليكانىڭ وزگە وڭىرلەرىندەگى ەمدەۋ مەكەمەلەرىنە تابىستالدى. ولاردىڭ جالپى سانى تومەندەگىدەي:

تۇركىستان وبلىسى – 78

وسكەمەن ايماعى – 62

سولتۇستىك قازاقستان وبلىسى – 61

سەمەي ايماعى – 57

جامبىل وبلىسى – 51

اقمولا وبلىسى – 43

پاۆلودار وبلىسى – 30

قوستاناي وبلىسى – 34

قىزىلوردا وبلىسى – 7

باتىس قازاقستان وبلىسى – 3

تالدىقورعان ءوڭىرى – 22

الماتى قالاسى – 2

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

ۇقساس جاڭالىقتار