ايماقتار • 27 شىلدە، 2020

كارانتيندىك رەجىمنىڭ كۇشەيتىلگەنىنە قاراماعاندار...

31 رەت كورسەتىلدى

دەمالىس كۇندەرى كارانتين رەجىمى كۇشەيتىلەدى دەگەنگە قاراماي جۇمىس ىستەگەن دەمالىس بازاسىنىڭ قوجايىنىنا 230 اەك دەيىن ايىپپۇل سالىنباق، دەپ حابارلايدى Egemen.kz

تىيىمعا قاراماستان بۇل جەردە قالا تۇرعىندارى ەكى جالدامالى ۇيدە دەمالعان. ساعاتتاپ جالعا ۇسىناتىن ەكى جەكە مونشانىڭ يەسى دە ەنگىزىلگەن شەكتەۋ شارالارىن ەلەمەگەن. وسىلارعا قاتىستى اكىمشىلىك قۇقىق بۇزۋشىلىق كودەكسىنىڭ 425-بابى بويىنشا اكىمشىلىك ماتەريال جينالدى.

بۇلاردان باسقا شەكتەۋ شارالارى ەنگىزىلگەن 3 كۇندە سقو پوليتسەيلەرى كارانتيندى بۇزعانى ءۇشىن 74 ماتەريال راسىمدەدى. بۇل كۇندەرى شەكتەۋلەردىڭ ساقتالۋىن تەكسەرۋ بويىنشا ارنايى قۇرىلعان جۇمىس توپتارى جۇمىس ىستەدى. قىزىلجار اۋدانىندا پروكۋراتۋرا، پوليتسيا، تج جانە جەرگىلىكتى اتقارۋشى بيلىك وكىلدەرىنەن تۇراتىن جۇمىس توبى جۇرگىزگەن مونيتورينگ بارىسىندا دەمالىس اۋماقتارىنىڭ تاعى بىرىندە كارانتيندى بۇزۋ فاكتىسى انىقتالدى.

جالپى وتكەن اپتادا ۋچاسكەلىك پوليتسيا ينسپەكتورلارىمەن كارانتيندى بۇزۋ فاكتىلەرى بويىنشا 150-دەن استام ماتەريال جينالعان. ىندەت جۇقتىرعان كەزدە ۇيدە وقشاۋلانۋ، بەتپەردە تاعۋ رەجىمىن ساقتاماعاندارى، ءماجبۇر بولماس دا جۇرگەندەرى ءۇشىن قالا تۇرعىندارى اكىمشىلىك جاۋاپكەرشىلىككە تارتىلاتىن بولادى. كەيبىر دۇكەندەردە ساتۋشىلاردىڭ بەتپەردە تاقپاي، قولعاپسىز جۇرگەنى انىقتالدى. سانيتارلىق نورمالاردى ساقتاماعان تاكسي جۇرگىزۋشىلەرىنە دە قاتىستى ماتەريالدار جينالدى. كاسىپكەرلەر دە كارانتيندى بۇزعان.

ازىق-ت ۇلىك ەمەس تاۋارلاردى ساتاتىن ساۋدا ورىندارىنىڭ جۇمىسىن توقتاتپاعاندارعا قاتىستى اكىمشىلىك ماتەريالدار جيناستىرىلىپ، تاۋارلار مەن كورسەتىلەتىن قىزمەتتەردىڭ ساپاسىن باقىلاۋ دەپارتامەنتىنە جىبەرىلدى.

"بارلىق جينالعان ماتەريال بويىنشا سوت شەشىمى قابىلداناتىن بولادى. قازىرگى ۋاقىتتا ءبىز وبلىستىڭ باس مەملەكەتتىك سانيتارلىق دارىگەرىنىڭ قاۋلىسىن ساقتاۋعا باعىتتالعان كۇشەيتىلگەن ءتۇسىندىرۋ جۇمىسىن جۇرگىزۋدەمىز"، دەيدى پوليتسيا دەپارتامەنتى جەرگىلىكتى پوليتسيا قىزمەتى باسقارماسى باستىعىنىڭ مىندەتىن اتقارۋشى، پوليتسيا پودپولكوۆنيگى گريگوري تىش.

سوڭعى جاڭالىقتار

اقسۋدا قارتتار ءۇيى ورتەندى

ايماقتار • بۇگىن، 09:57

ۇقساس جاڭالىقتار