ايماقتار • 27 شىلدە، 2020

"اقتوبە – اتىراۋ – استراحان جولىنىڭ 339 شاقىرىمىنا قوزعالىس اشىلادى

868 رەت كورسەتىلدى

قازاقستاننىڭ باتىسىندا ەكى ءوڭىردى بايلانىستىراتىن رەسپۋبليكالىق ماڭىزى بار نەگىزگى جولداردىڭ ءبىرىن قايتا جاڭارتۋ جۇمىستارى بەلسەندى تۇردە جۇرگىزىلىپ جاتىر. بۇل تۋرالى يدم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

بيىل جولشىلار "اقتوبە – اتىراۋ – رف شەكاراسى (استراحان)" اۆتوموبيل جولىنىڭ 339 شاقىرىمىندا قوزعالىستى اشۋدى جوسپارلاپ وتىر. جول ۋچاسكەلەرىندەگى جۇمىستاردى ورىنداۋ قارقىندىلىعىن قر يدم اۆتوموبيل جولدارى كوميتەتى توراعاسىنىڭ ورىنباسارى تولەگەن ابدۋللين تەكسەرىپ قايتتى.

جولدىڭ جالپى ۇزىندىعى 897 شاقىرىمدى قۇرايدى. بۇگىنگى تاڭدا قايتا جاڭارتۋ جۇمىستارىمەن جولدىڭ 359 شاقىرىمى قامتىلعان. جوبا بىرنەشە ۋچاسكەلەرگە بولىنگەن. ولاردىڭ بارلىعىندا قۇرىلىس جۇمىستارى بەلسەندى تۇردە جۇرگىزىلىپ جاتىر.

وسىلايشا ۇزىندىعى 299 شاقىرىمدى قۇرايتىن "قاندىاعاش – ماقات" جولىنداعى جۇمىستاردى "Todini Construzioni Generali S.p.A"، "قۇرىلىس-ونەركاسىپتىك ينۆەستيتسيالىق كورپوراتسياسى" ااق" بك، "Shanghai Construction Group Co.، Ltd"، Ant Insaat Maden Sanayi A.S." كومپانيالارى جانە "اق جول قۇرىلىس" جشس جۇرگىزۋدە.

اقتوبە وبلىسىنداعى جول ۋچاسكەسىندە مەردىگەر كومپانيالار بيىل قيىرشىق تاستى-ماستيكالىق اسفالت-بەتوننان جاسالعان جابىندىنىڭ جوعارعى قاباتىن جولدىڭ 20 شاقىرىمىندا، جابىندىنىڭ تومەنگى قاباتىن جولدىڭ 32 شاقىرىمىندا توسەدى. اتىراۋ وبلىسىندا جولشىلار جىل باسىنان بەرى جولدىڭ 35 شاقىرىمىندا جابىندىنىڭ تومەنگى قاباتىن، 37 شاقىرىمىندا جول نەگىزىنىڭ جوعارعى قاباتىن جايلاستىرعان. ءدال وسى "قاندىاعاش – ماقات" جولى قوزعالىس ءۇشىن بيىل اشىلماق.  

سونداي-اق، جۇمىستار جولدىڭ 100-160 شاقىرىمدارىنىڭ ارالىعىندا جۇرگىزىلىپ جاتىر. مەردىگەر ۇيىم "Uniserv" جشس جىل باسىنان جولدىڭ 8 شاقىرىمىندا جول نەگىزىنىڭ جوعارعى قاباتىن، تاعى 8 شاقىرىمىندا جابىندىنىڭ تومەنگى قاباتىن توسەدى. 60 شاقىرىمدىق جول ۋچاسكەسىنىڭ تولىق بويىندا قوزعالىس 2021 جىلى اشىلادى دەپ جوسپارلانۋدا.

قايتا جاڭارتۋ جۇمىستارى جۇرگىزىلىپ جاتقان جول ۋچاسكەلەرىن ارالاعان كوميتەت توراعاسىنىڭ ورىنباسارى قۇرىلىس جۇمىستارىن ۋاقىتىلى ءارى ساپالى ورىنداۋعا قاتىستى ناقتى تاپسىرمالار بەردى.

سوڭعى جاڭالىقتار

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار