2020 جىلدىڭ شىلدەدەگى جاعداي بويىنشا قازاقستاندا تىركەلگەن 1,2 ملن جەكە كاسىپكەر بار ەكەن. بۇل وتكەن جىلمەن سالىستىرعاندا 2,8% تومەن. دەگەنمەن, سوڭعى ءۇش اي ىشىندە جك سانىندا ءوسىم بار: ساۋىردە - 0,03%, مامىردا - 0,3%, ماۋسىمدا - 0,5%. وعان دەيىنگى 6 ايدا جك سانى از بولعان.
جەكە كاسىپكەرلەردىڭ جارتىسىنان استامى اۆتوموبيلدەر مەن موتوتسيكلدەردى ساتۋ جانە جوندەۋدە (400,6 مىڭ), سونداي-اق اۋىل, ورمان جانە بالىق شارۋاشىلىعىندا (252,4 مىڭ) تىركەلگەن.
جك سانىنىڭ ەداۋىر تومەندەۋى كولىك جانە قويما سالاسىندا (-11,9%), ساۋدا (-9,4%) جانە جىلجىمايتىن م ۇلىك وپەراتسيالارى (-8,4%) باعىتىندا بايقالدى.
" alt="" aria-hidden="true" />
وڭىرلەر اراسىندا تىركەلگەن جك بويىنشا الماتى قالاسى الدىڭعى ورىندا تۇر – 159,4 مىڭ (وتكەن جىلمەن سالىستىرعاندا 1,5%-عا از). ودان كەيىن تۇركىستان وبلىسى (136 مىڭ) مەن الماتى وبلىسى (124,5 مىڭ) تۇر.
جك سانىنىڭ ءوسىمى قازاقستاننىڭ 17 ءوڭىرىنىڭ تەك 5-دە بايقالعان. ەڭ قاتتى ءوسىم شىمكەنت قالاسى (+3%) مەن نۇر-سۇلتان قالاسىندا (+2,9%). ال, شقو (−12%), قوستاناي (−9,9%) جانە اقمولا (−9,7%) وبلىستارىندا ايتارلىقتاي ازايعان.
