قوعام • 27 شىلدە، 2020

نۇر-سۇلتاندا 3 مىڭنان استام بوس جۇمىس ورنى بار

8 رەت كورسەتىلدى

قالانىڭ بارلىق تۇرعىندارى مەملەكەتتىك باعدارلاماعا تۇرعىلىقتى جەرى بويىنشا تىركەۋمەن دە، تىركەۋسىز دە قاتىسا الادى.

بۇگىنگى تاڭدا «جۇمىسپەن قامتۋدىڭ جول كارتاسى-2020» باعدارلاماسى اياسىندا 107 ينفراقۇرىلىم نىسانىندا جۇمىستار جۇرگىزىلۋدە. قول ەڭبەگىنە سۇرانىس جو­عارى. «جۇمىس كۇشىنىڭ تاپ­­شىلىعى، ماماندار جە­تىس­­پەۋشىلىگى بايقالۋدا. جۇمىسپەن قامتۋدىڭ جول كار­تاسى ارقاسىندا كە­لى­سىمگە قول قويىلدى. قازىر جۇ­مىسپەن قامتۋ ورتالىعى بىزگە دانەكەرلەۋشىلەردى، ەلەكتريكتەردى، جالپى جۇ­مىس­­شىلاردى جىبەرۋدە. ءبىز ولاردى وسى باعدارلاما بو­يىنشا جۇ­مىسقا الامىز»، دەيدى ASTI كوم­پانياسىنىڭ ينجەنەرى رۋسلان زۋلپيكاروۆ.

ەلەكتريك ماكسيم ۆەسەل­كوۆ ۇزاق ۋاقىت جۇمىس تابا الماعانىن ايتادى. دوستارى وعان جۇمىسپەن قامتۋ ورتالىعىنا حابار­لاسۋعا كەڭەس بەرگەن. ول ور­تالىقتا جۇ­مىس­سىزدىق بويىنشا تىركەۋگە الىندى. ء«بىراز ۋا­قىتتان كەيىن ولار ماعان قو­ڭىراۋ شالىپ، وسىندا جۇمىس ىستەۋدى ۇسىندى. ماعان جۇ­مىس شارتتارى ۇنادى، مە­دي­تسينالىق تەكسەرىستەن ءوتىپ، قۇجاتتاردى تاپسىردىم. قازىر ەلەكتريك بولىپ جۇ­مىس ىستەيمىن. ماعان جۇ­مىس ۇنايدى، جالاقىم ۋاق­تىلى. ارنايى جۇمىس كيىمى بە­رىلدى»، دەيدى م. ۆەسەلكوۆ.

«ەلوردادا جۇمىسپەن قامتۋ­دىڭ جول كارتاسى­ (جقجك) ءساتتى ىسكە اسىرىلۋدا. بۇگىندە 3929 ادام جۇمىسپەن قامتىلدى. 94 ۇيىم­مەن نيەت حاتتامالارى جاسالدى. قازىرگى ۋاقىتتا جقجك-دا 3 مىڭنان استام بوس جۇمىس ورنى بار»، دەپ حابارلادى ەلوردانىڭ جۇمىسپەن قامتۋ ورتالىعى.

«قۇرىلىس كومپانياسى رە­تىندە ءبىز ءۇشىن جول كارتاسى ۇل­كەن كومەك. بۇگىندە ءبىز 70-تەن استام ادامدى جۇمىسپەن قامتىپ وتىر­مىز جانە مۇ­نىمەن توقتاپ قالمايمىز. ءبىزدىڭ جۇمىسىمىز ودان دا كوپ جۇمىس كۇشىن كەرەك ەتەدى، شامامەن 80 ادام قا­جەت. وسى مۇمكىندىكتى پايدالانىپ، جۇمىسقا مۇقتاجداردىڭ بارلىعىنان جۇمىسپەن قام­تۋ­ ورتالىعىنا حابارلاسۋدى­ سۇ­رايمىز. ءبىز قۇرىلىس جۇ­­مىس­­تارىندا بۇرىن-سوڭدى ىستە­مەگەندەردى دە وقىتىپ، كاسىبي باعدار بەرەمىز. قازىر ولار دا تابىستى جۇمىس جاساۋدا»، دەدى ر.زۋلپيكاروۆ. ەلوردانىڭ بارلىق تۇر­عىنى تۇرعىلىقتى جەرى بويىنشا تىركەۋمەن دە، تىركەۋسىز دە جقجك مەملەكەتتىك باعدارلاماسىنا قاتىسا الادى. انىقتامالىق اقپا­راتتى بىرىڭعاي بايلانىس ورتالىعىنىڭ 57 88 88 نەمەسە 8776 146-28-62، 8747-108-21-96، 57-88-89، 72-93-62، 57-89-37 تەلەفوندارى ار­قىلى الۋعا بولادى.

 

سوڭعى جاڭالىقتار

شىعىسقا قار ءتۇستى

ايماقتار • كەشە

ۇقساس جاڭالىقتار