ايماقتار • 24 شىلدە، 2020

شىمكەنتتە قالا بيۋدجەتىنەن 11،2 ملرد تەڭگە ۇنەمدەلدى

12 رەت كورسەتىلدى

شىمكەنت قالاسىنىڭ اكىمدىگى كارانتيندىك شارالاردىڭ ۇزارتىلۋىنا بايلانىستى جەرگىلىكتى بيۋدجەتتى وڭتايلاندىرۋ ناتيجەسىندە 11،2 ملرد. تەڭگە بولاتىن قارجىنى ۇنەمدەدى. قالا ءماسليحاتىنىڭ كەزەكتەن تىس الپىس سەگىزىنشى سەسسياسىندا دەپۋتاتتار بيۋدجەتتىك باعدارلاما اكىمشىلەرى ۇسىنعان بيۋدجەت قارجىسىن ءبىراۋىزدان بەكىتتى، - دەپ حابارلايدى Egemen.kz

ۇنەمدەلگەن  قاراجاتتىڭ باسىم بولىگى مەديتسينالىق ۇيىمداردىڭ ماتەريالدىق-تەحنيكالىق بازاسىن نىعايتۋعا جانە ازاماتتارعا الەۋمەتتىك كومەك كورسەتۋگە جۇمسالاتىنىن ايتقان قالا اكىمى مۇرات ايتەنوۆ ۇسىنىستى قابىلداعانى ءۇشىن حالىق قالاۋلىلارىنا العىسىن ءبىلدىردى.

"قىسقارتىلعان قارجىلار نەگىزىنەن مادەني ءىس-شارالاردى وتكىزۋدەن، قىزمەتتىك ءىس-ساپار شىعىستارىنان، مەكەمەلەردىڭ ماتەريالدىق-تەحنيكالىق بازاسىن نىعايتۋدان وڭتايلاندىرىلدى. اتاپ ايتۋ كەرەك، كارانتيندىك شەكتەۋلەرگە قاراماستان قالالىق بيۋدجەتتىڭ كىرىسى تومەندەگەن جوق. ماسەلەن، قالالىق بيۋدجەتتىڭ وزىندىك كىرىستەرى 21،8 ملن. تەڭگەگە ۇلعايىپ، 133 ملرد تەڭگەگە جەتتى. ال قالاداعى ەكونوميكالىق ءوسىمدى قايتا قالپىنا كەلتىرۋ بويىنشا كەشەندى جوسپارى جۇزەگە اسىرىلۋدا"،-دەدى قالا باسشىسى.

ناقتىراق ايتساق، قىسقارتىلعان قارجىلاردىڭ 3 359،3 ملن.تەڭگەسى مەديتسينالىق ۇيىمداردىڭ ماتەريالدىق-تەحنيكالىق بازاسىن نىعايتۋعا جۇمسالسا،   219،1 ملن. تەڭگە ازاماتتارعا الەۋمەتتىك كومەك كورسەتۋگە باعىتتالادى. سونىمەن قاتار 989،8 ملن. تەڭگە ءبىلىم سالاسىنداعى مەكتەپتەر مەن مەكتەپ ينتەرناتتاردى ماتەريالدىق- تەحنيكالىق جاڭعىرتۋعا، 111،7 ملن. تەڭگە التى كوپقاباتتى تۇرعىن ءۇيدىڭ 12 ليفت قوندىرعىسىن اۋىستىرۋعا جانە قالعان قارجى شاعىن اۋداندارداعى ينفراقۇرىلىم ماسەلەسى مەن اباتتاندىرۋعا جۇمسالادى.

سوڭعى جاڭالىقتار

ۇقساس جاڭالىقتار