باق-تا حابارلانعانداي, قازاقستانعا بۇگىنگى كۇنى قاتتى جەتىسپەۋشىلىگى سەزىلىپ جاتقان مەديتسينالىق بۇيىمدار تۇرىندە گۋمانيتارلىق كومەك جەتكىزىلدى. مەديتسينالىق ماقساتتاعى ونىمدەر, اتاپ ايتقاندا وكپەنى جاساندى جەلدەتۋ اپپاراتتارى ء(وجج), پۋلسوكسيمەترلەر, سىناپتى جانە سىمسىز كونتاكتىلىك تەرمومەترلەر مەديتسينالىق ورتالىقتارعا, ەمحانالارعا, اۋرۋحانالار مەن گوسپيتالدارعا كەلىپ ءتۇسۋ ءۇشىن قر سيم تەحنيكالىق رەتتەۋ جانە مەترولوگيا كوميتەتىنىڭ توراعاسى ارمان شاكقاليەۆ قاجەتتى بۇيرىققا قول قويدى.
ەندى ءراسىم ايتارلىقتاي جەڭىلدەتىلدى, اتاپ ايتقاندا گۋمانيتارلىق كومەك رەتىندە اكەلىنگەن ولشەم قۇرالدارىن قر مەملەكەتتىك ولشەم قۇرالدارىنىڭ تىزىلىمىندە تىركەۋدەن وتپەۋگە رۇقسات ەتىلەدى. بۇل شارا پاندەميا جاعدايىندا ۋاقىتشا بولىپ تابىلادى, بىراق ولشەم قۇرالدارىن سوڭعى پايدالانۋشىلارعا (مەديتسينالىق ورتالىقتار, اۋرۋحانالار جانە ت.ب.) "ولشەم قۇرالدارىنىڭ بىرلىگىن قامتاماسىز ەتۋ تۋرالى" قر زاڭىنىڭ 19-بابىنا سايكەس ولشەم قۇرالدارىن باستاپقى جانە مەرزىمدىك سالىستىرىپ تەكسەرۋ جۇرگىزۋدى قامتاماسىز ەتۋ ۇيعارىلعان.
وبلىستار بويىنشا سالىستىرىپ تەكسەرۋ زەرتحانالارى اككرەديتتەۋ باعىتىنا سايكەس گۋمانيتارلىق كومەك رەتىندە اكەلىنگەن, قر ءموج تىزىلىمىندە تىركەۋدەن وتپەگەن ولشەم قۇرالدارىن سالىستىرىپ تەكسەرۋگە قابىلداۋى قاجەت.
اتالعان جەدەل شارالار مەديتسينالىق بۇيىمداردى اينالىمعا شىعارۋ ءۇشىن گۋمانيتارلىق كومەكتى كەدەرگىسىز قابىلداۋ ءۇشىن قابىلدانعانىن اتاپ ءوتۋ قاجەت.
بۇكىل الەمدى قامتىعان COVID-19 پاندەمياسى ادامزات ءۇشىن ماڭىزدى سىناق بولىپ تابىلادى جانە مۇنداي ستاندارتتى ەمەس شارالاردى قابىلداۋ باقىتسىز جاعدايعا تاپ بولعان ادامداردىڭ ءومىرىن قۇتقارۋ ءۇشىن مەديتسينالىق ماقساتتاعى گۋمانيتارلىق جۇكتەردىڭ قول جەتىمدىلىگىن قامتاماسىز ەتۋ ءۇشىن تۇزەتۋلەر ەنگىزۋ قاجەتتىلىگى بولىپ تابىلادى.
"مەملەكەتتىك تىركەۋدەن وتپەگەن دارىلىك زاتتاردى, مەديتسينالىق بۇيىمداردى گۋمانيتارلىق كومەك رەتىندە قازاقستان رەسپۋبليكاسىنىڭ اۋماعىنا اكەلۋ جاعدايلارىن ايقىنداۋ تۋرالى" قازاقستان رەسپۋبليكاسى ۇكىمەتىنىڭ 2009 جىلعى 30 جەلتوقسانداعى № 2298 قاۋلىسى وسى شەشىم ءۇشىن نەگىز بولىپ تابىلادى.
