بۇل ەلدە توتەنشە جاعداي رەجيمى ءساۋىر ايىندا ەنگىزىلگەن. بۇل رەجيم بويىنشا ەلدىڭ پرەمەر-ءمينيسترى حالىققا ۇيىنەن شىعۋعا, كوپشىلىك شارالار وتكىزۋگە جانە قوعامدىق كولىككە وتىرۋعا تىيىم سالا الادى. ءتىپتى, ءباسپاسوز بەتىنە حالىقتىڭ ۇرەيىن الىپ, دۇربەلەڭ تۋعىزاتىن ماتەريالدار سالۋدى تىيا الادى.
باسقا ەلدەرمەن سالىستىرعاندا تايلاندتا CوVID-19 جۇقتىرعاندار اناعۇرلىم از. پاندەميا باستالعالى ەلدە نەبارى 3 مىڭنان اسا ادام عانا ۆيرۋس جۇقتىردى, بارلىعى 58 ناۋقاس كوروناۆيرۋستان كوز جۇمدى. مامىر ايىنان باستاپ كەيبىر ەرەكشە جاعدايلاردى ەسەپكە الماعاندا, تاۋلىگىنە كۆي جۇقتىرعان ادامدار سانى 10-نان اسپايدى.
ال, گونكونگتا جابىق قوعامدىق ورىنداردا ادامداردىڭ ماسكا تاعىپ ءجۇرۋى مىندەتتەلدى. بۇل تالاپتى ورىنداماعاندارعا 5 مىڭ گونكونگ دوللارى كولەمىندە ايىپپۇل سالىنادى.
سونداي-اق, گونكونگتا 28 شىلدەگە دەيىن ويىن-ساۋىق ورتالىقتارى مەن سپورت زالدار جابىلدى. مەيرامحانالار تەك شەكتەۋلىك ۋاقىت ىشىندە (18:00 ساعاتقا دەيىن) قىزمەت كورسەتەتىن بولادى.
وعان قوسا, اقش پەن قازاقستاننان ەلىنە ورالعان گونكونگ تۇرعىندارى ۇشاققا وتىرماس بۇرىن كوروناۆيرۋستى انىقتايتىن تەستەن ءوتىپ, قالاعا جەتكەن سوڭ وقشاۋلانادى.
