ولار دارىگەرلەردىڭ باقىلاۋىنا الىنىپ, ءۇي كارانتينىنە شىعارىلعان. سونداي-اق, 22 ءشىلدە كۇنگى جاعداي بويىنشا جامبىل وبلىسىندا كوروناۆيرۋستىق ينفەكتسيانىڭ 48 جاعدايى تىركەلگەن بولسا, ونىڭ 25-ءى سيمپتومدى, ال 23-ءىنىڭ كلينيكالىق بەلگىلەرى جوق ەكەنى انىقتالعان. ناۋقاستار نەگىزىنەن تاراز قالاسىنان, مەركى, ت.رىسقۇلوۆ, تالاس جانە قورداي اۋداندارىنان تىركەلگەن. وكىنىشكە قاراي, تالاس اۋدانىندا جاڭا تۋعان نارەستەدە 2 جاعداي انىقتالعان. سونىمەن قاتار, ءارتۇرلى جاستاعى تۇرعىندار دا قاۋىپتى ىندەتتى جۇقتىرعان.
دەگەنمەن, شۇعىل ارەكەت ەتۋدىڭ ناتيجەسىندە بۇگىندە جامبىل وبلىسىندا كوروناۆيرۋس ىندەءتىن جۇقتىرۋشىلار ازايىپ كەلەدى. وبلىستىق اكىمدىكتىڭ مالىمەتىنشە, سىرقاتى اۋىر وتەتىن, ياعني كلينيكالىق بەلگىلەرى بار تاسىمالداۋشىلار بۇگىندە جۇقپالى اۋرۋلار جانە ۋاقىتشا اۋرۋحانالارعا جەتكىزىلگەن. جەڭىل جانە ورتاشا دارەجەلى اۋرۋلارى بار ناۋقاستار ۇيدە كارانتينگە جاتقىزىلعان. ولارمەن بايلانىسقان ادامدار دا كارانتينگە جابىلعان. ۆيرۋس وشاقتارىنا تولىققاندى دەزينفەكتسيا شارالارى جۇرگىزىلگەن.
جامبىل وبلىسى
