بۇل قۇرىلعى COVID-19 ينفەكتسياسى مەن پنەۆمونيا اۋرۋىنا شالدىققان اۋىر حالدەگى ناۋقاستاردى ەمدەۋگە ارنالعان.
بۇگىن قۇرىلعىنىڭ 10 داناسى "اسار" شاعىن اۋدانىنداعى جۇقپالى اۋرۋلار ورتالىعىنا تابىستالدى. قازىر بۇل جۇقپالى اۋرۋلار ورتالىعىندا كوروناۆيرۋس ينفەكتسياسىنا شالدىققان 140 ناۋقاس ەم الىپ جاتىر. دارىگەرلەر سوڭعى ەكى اپتادا سىرقاتتار سانىنىڭ ايتارلىقتاي ازايعاندىعىن ايتۋدا.
وسىنداي يگى ىستەرىمەن قۇرىلىس كومپانياسى ەلباسى نۇرسۇلتان نازارباەۆ پەن پرەزيدەنت قاسىم-جومارت توقاەۆتىڭ كوروناۆيرۋس تارالۋىمەن كۇرەستە كومەك كورسەتۋ بويىنشا ۇندەۋىن قولدايتىنىن جەتكىزدى.
"كورونوۆيرۋسقا قارسى كۇرەستە دارىگەرلەرگە قول ۇشىن بەرۋ ءۇشىن ەلىمىزدەگى وبلىس ورتالىقتارىنا, اۋدان-قالالارىنا 1000 دانا وتتەگى كونتسەنتراتورى اپپاراتىن جەتكىزىپ جاتىرمىز. ونىڭ ىشىندەگى 82-ءسىن ارنايى شىمكەنت قالاسىنا الىپ كەلدىك. قازىرگى كەزدە وكپەسى قابىنعان ناۋقاستار وتتەگى جەتپەي قينالۋدا. ەندى بۇل اپپاراتتار سىرقاتتانعان جاننىڭ ءومىرىن ساقتاپ قالۋعا ىقپال ەتپەك. اپپاراتتاردى كومپانيا توپ باسشىلارى مەن سەرىكتەستىك وكىلدەرى ءوز قاراجات ەسەبىنەن ساتىپ الىپ, اۋرۋحانالارعا تابىستاۋدا", - دەيدى كومپانيا وكىلى ايدىن مايۋسوۆ.
ايتا كەتەيىك, بۇعان دەيىن BI Group كاسىپورىنى قالاداعى اۋرۋحانالارعا رەسەيدە جاسالعان وتتەگى كونتسەنتراتورلارىنىڭ ەڭ وزىق جانە ءتيىمدى اپپاراتتارىن تارتۋ ەتكەن.
