پاندەميامەن كۇرەسۋ اياسىندا مەديتسينالىق بەتپەردەلەردى ساتۋ ناۋقانى كوش باسىندا تۇر. ولاردى الەم حالقى وسى اپتاپ ىستىق مەزگىلدە دە قولدانىپ كەلەدى.
كيودو اگەنتتىگىنىڭ پىكىرىنشە, جاھان جۇرتىندا مۇنداي بيولوگيالىق قاۋىپتى قالدىقتاردى قالاي كادەگە جاراتۋ كەرەكتىگى تۋرالى تۇسىنىك قالىپتاسپاعان. كەيبىر ەلدە قوقىستى دۇرىس جويۋ ءۇشىن ەشقانداي جاعداي جوقتىعىن دا ءسوز ەتەدى.
اگەنتتىك الەمنىڭ ءار تۇكپىرىندەگى باسىلىمداردىڭ ءسوزىن كەلتىرىپ, كۇن شىعىس ەلىنىڭ جاعالاۋىندا ءبىر رەتتىك بەتپەردەلەر سۋ ايدىنىندا قالقىپ جاتقانىن ايتادى. مەديتسينالىق قالدىقتار سانى تۇركيا مەن ەۋروپا ەلدەرىنىڭ جاعالاۋلارىندا ءجيى بايقالا باستاعان. ال فرانتسيا ەكولوگتەرىنىڭ ايتۋىنشا, تەڭىز بەن مۇحيت سۋلارىندا كوپ ۇزاماي مەدۋزالار ەمەس, بەتپەردەلەر شوعىرىن كورۋگە قورقاتىنىن مالىمدەيدى.
سەبەبى مۇنداي بەتپەردە قالدىقتارى ادامنىڭ جەيتىن اسىنان جانە بالىقتىڭ ىشەك قۋىسىنان تابىلعان. بۇل ميكروپلاستيكا بولشەكتەرىنە ىدىراۋ ءۇشىن ءجۇز جىلدان استام ۋاقىت قاجەت.
