ايماقتار • 23 شىلدە، 2020

COVID-19 جۇقتىرعان ناۋقاستار قانداي̆ جاعداي̆دا اۋرۋحاناعا جاتقىزىلادى؟

52 رەت كورسەتىلدى

بۇگىن نۇر-سۇلتان اكىمدىگىندە وتكەن بريفينگتە "استانا" مەديتسينا ۋنيۆەرسيتەتىنىڭ جۇقپالى اۋرۋلار كافەدراسىنىڭ اسسيستەنتى، ينفەكتسيونيست دارىگەر گاۋحار نۇراحمەتوۆا كوروناۆيرۋس ينفەكتسياسىمەن اۋىراتىن ناۋقاستاردى ستاتسيونارعا ورنالاستىرۋ شارتتارى تۋرالى اي̆تىپ بەردى، دەپ حابارلاي̆دى ەلوردا اكىمدىگىنىڭ رەسمي ساي̆تى.

"ەلىمىزدە كوروناۆيرۋس جۇقپاسىنىڭ ورشۋىنە باي̆لانىستى ازاماتتارىمىزدىڭ اراسىندا ءارتۇرلى ساۋالدار تۋىنداۋدا. سول سۇراقتاردىڭ ىشىندەگى ەڭ ماڭىزدىسى – كوروناۆيرۋسقا شالدىققاندار قانداي̆ جاعداي̆دا اۋرۋحانالىق ەم قابىلداي̆ الادى؟ ياعني، اۋرۋحانالىق ەمگە ناۋقاستاردى سۇرىپتاۋدى ەمحانا دەڭگەي̆ىندەگى جالپى تاجىريبەلىك دارىگەرلەر جۇرگىزەدى. سونىمەن قاتار جەدەل جاردەمدى ۇي̆گە شاقىرۋ كەزىندە جەدەل جاردەم قىزمەتكەرلەرى نەمەسە كوروناۆيرۋسقا ارنالعان وقشاۋلانعان اۋرۋحانانىڭ قابىلداۋ-دياگنوستيكالىق بولىمىندەگى كەزەكشى دارىگەرلەر انىقتايدى. بۇل مەديتسينا قىزمەتكەرلەرى ناۋقاستاردى اۋرۋحاناعا جاتقىزۋ بارىسىندا قر حاتتاماسىن باسشىلىققا الادى. ول حاتتاما بوي̆ىنشا كوروناۆيرۋس جۇقپاسى اعىمىنىڭ اۋىرلىق دارەجەلەرى انىقتالعان"، – دەي̆دى گاۋحار نۇراحمەتوۆا.

سونىمەن قاتار دارىگەر كۆي ينفەكتسياسىمەن اۋىراتىن ناۋقاستار جوسپارلى تۇردە ەمدەۋگە جاتقىزىلماي̆تىنىن، ياعني ستاتسيونارلىق ەمدەۋگە تەك اۋرۋدىڭ اي̆قىن بەلگىلەرى بولعان جاعداي̆دا جاتقىزىلاتىنىن اتاپ ءوتتى.

"بىزدەگى كۆي-گە ارنالعان اۋرۋحانالار زاماناۋي ۇلگىدە جابدىقتالعان. ءار پالاتا وتتەگى كوزدەرىمەن، اپپاراتتارمەن، قر حاتتاماسىنا ساي̆ بارلىق ءدارى-دارمەكتەرمەن تولىق جابدىقتالعان" – دەدى گ.نۇراحمەتوۆا.

ينفەكتسيونيست دارىگەر كوروناۆيرۋس ينفەكتسياسىن جۇقتىرۋ قاۋپى بار ناۋقاستارعا دا توقتالا كەتتى.

"ەڭ الدىمەن، ناۋقاستىڭ جاسى 65-تەن جوعارى بولسا، ول قاۋىپ-قاتەر توبىنا جاتادى. ەكىنشى ورىندا – جۇرەك اۋرۋلارى. ادامدا قان قىسىمى بولسا، ونىڭ قان قىسىمىن 3 ساعات ساي̆ىن ولشەۋ، كوتەرىلۋىنە جول بەرمەۋگە تىرىسۋ كەرەك. سونىمەن قاتار قانت ديابەتى بار ادامداردا قانت كولەمى كوتەرىلىپ كەتسە، ەمگە كونبەۋى مۇمكىن. ياعني، ۆيرۋس جۇقتىرعان كەزدە سوزىلمالى اۋرۋلاردىڭ بارلىعى قوزىپ، ناۋقاس جاعدايىن ودان ساي̆ىن اۋىرلاتادى. سوندىقتان مۇنداي̆ اۋرۋلاردى قاتاڭ قاداعالاۋ حاتتامادا كورسەتىلگەن"، – دەپ تۇي̆ىندەدى دارىگەر.

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار