ايماقتار • 23 شىلدە، 2020

قاراعاندى وبلىسىندا جىلجىمالى ءدارىحانالار جۇمىس ىستەي باستادى

50 رەت كورسەتىلدى

كوروناۆيرۋس قارقىن العان كەزدە قاراعاندى وبلىسىنداعى اۋىلداردىڭ ءدارى-دارمەكسىز قالعانى تۋرالى  ماسەلە الەۋمەتتىك جەلىلەردە وقتىن-وقتىن كوتەرىلگەن بولاتىن. بۇگىنگى كۇندە وسى ايتىلعان سىننان قورىتىندى شىعارعان وبلىس باسشىلىعى جىبەرىلگەن كەمشىلىكتەردى جويۋ ماقساتىندا تىڭ دا ءتيىمدى جوبالاردى قولعا الدى، دەپ جازادى Egemen.kz

مىسالى، بۇگىنگى كۇندە الىستاعى اۋدان، شالعايداعى اۋىلدارعا قاجەتتى ءدارى-دارمەكتىڭ مول پارتياسى جىلجىمالى ءدارىحانالاردىڭ كومەگىمەن جەتكىزىلە باستادى. ازىرگە بۇل يگى ءىس سىناما جوبا رەتىندە وبلىستاعى اقتوعاي جانە ۇلىتاۋ اۋداندارىن قامتىپ وتىر. ال وبلىستىق دەنساۋلىق ساقتاۋ باسقارماسىنىڭ باسشىسى ەرجان نۇرلىباەۆتىڭ ايتۋىنشا، الداعى ۋاقىتتا جىلجىمالى ءدارىحانالار وبلىستىڭ باسقا دا اۋداندارى بويىنشا ءدارى-دارمەك جەتكىزۋمەن اينالىسا باستايدى.

جوعارىدا اتالعان ەكى اۋدان وبلىس ورتالىعىنان شالعايدا ورنالاسقان. ولارداعى اۋىلدار دا اۋدان ورتالىعىنان جانە ءبىر-بىرىنەن الىس جەردە جاتىر. ەلدى مەكەندەردە ءدارى-دارمەك ساتىپ الاتىن بىردە-ءبىر كوممەرتسيالىق ءدارىحانا بولماعاندىقتان، تۇرعىندار قاجەتتى پرەپاراتتاردى اۋداندارداعى  ورتالىق اۋرۋحانالاردىڭ الەۋمەتتىك ءدارىحانالارىنان عانا تاباتىن.

جىلجىمالى ءدارىحانالار جوباسىن جۇزەگە اسىرۋدىڭ تاماشا شەشىم بولعانىن ايتا كەتكەن ءلازىم. وندا جۇرەك-قان تامىرى جۇيەسى مەن گيپەرتونياسى بار پاتسيەنتتەرگە ارنالعان ومىرلىك ماڭىزى بار پرەپاراتتار، ببق مەن ەمدىك شوپتەردى ساتىپ الۋعا بولادى. سونىمەن قاتار، اۋىل تۇرعىندارى قاجەتتى ءدارى-دارمەككە الدىن الا تاپسىرىس تا بەرە الادى.

"قازىر بىزدە اۋداندىق اۋرۋحانادان باسقا ستاتسيونار، التى اۋىلدىق دارىگەرلىك امبۋلاتوريا، ءبىر فەلدشەرلىك-اكۋشەرلىك بەكەت جانە اۋىلداردا 16 مەدپۋنكت جۇمىس ىستەيدى. ءبىزدىڭ ءموبيلدى ءدارىحانا امبۋلاتوريالار مەن مەديتسينالىق پۋنكتتەر ارقىلى شالعاي ەلدى مەكەندەردى ءدارى-دارمەكپەن قامتاماسىز ەتەدى"، – دەيدى اقتوعاي اۋدانىنىڭ ورتالىق اۋرۋحاناسىنىڭ ديرەكتورى ساتتار ابدىعۇلوۆ.

بۇل شارۋانى جۇزەگە اسىرۋ ءۇشىن ارنايى قىزمەتكەرلەر اپتاسىنا ەكى-ءۇش رەت قاراعاندىعا بارىپ، فارماتسەۆتيكالىق كومپانيالاردان قاجەتتى پرەپاراتتاردى كوتەرمە باعامەن ساتىپ الادى ەكەن. ءدارىحانا الەۋمەتتىك بولعاندىقتان، بارلىق ءدارىنىڭ باعاسى كوممەرتسيالىق اتاۋلارعا قاراعاندا الدەقايدا تومەن. ەگەر جەكەمەنشىك ءدارىحانالاردا ساتۋ پايىزى شامامەن 30%-ءتى قۇراسا، مۇندا ساتىپ الۋ باعاسىنا تەك 5% قانا ۇستەمە قوسىلاتىن كورىنەدى.

وتكەن ايدا قويمالاردا بولماعاندىقتان، كەيبىر ءدارى-دارمەك تۇرلەرىنىڭ جەتىسپەۋشىلىگى بايقالعانى راس. بۇل ەڭ الدىمەن انتيبيوتيكتەرگە، قابىنۋعا، ۆيرۋسقا قارسى جانە انتيكواگۋليانتتار سياقتى پرەپاراتتارعا قاتىستى بولدى. قازىر قايىرلى ءىس قايتا جاندانىپ، اسپيرين، پاراتسەتامول جانە ولاردىڭ بالامالارى، قان سۇيىلتاتىن پرەپاراتتار، انتيبيوتيكتەر قالادان جەتكىزىلە باستاپتى.

ءدال وسىنداي دوڭگەلەكتى ءدارىحانا ۇلىتاۋ اۋدانىنىڭ تۇرعىندارىن دا ءدارى-دارمەكپەن قامتاماسىز ەتىپ ءجۇر. مۇندا دا مەديتسينالىق پرەپاراتتاردى  تيەگەن كولىكتىڭ اۋىلدارعا بارۋ كەستەسى اۋداندىق گازەتتەر مەن الەۋمەتتىك جەلىلەردە جاريالانىپ تۇرادى.

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

سۋرەتشىلەر ءۇيى اشىلدى

ايماقتار • بۇگىن، 09:08

بال بۇلاق بولىپ اقتى

ايماقتار • بۇگىن، 09:07

وڭايلىقپەن ەم قونبايدى

مەديتسينا • بۇگىن، 09:05

بارەكەلدى، ۆيكتوريا!

سپورت • بۇگىن، 09:02

اتىراۋ وبلىسى «سارى» ايماققا ءوتتى

كوروناۆيرۋس • بۇگىن، 08:54

ۇقساس جاڭالىقتار