قر «پەداگوگ مارتەبەسى تۋرالى» زاڭىنا سايكەس:
2020 جىلدىڭ قاڭتارىنان باستاپ پەداگوگتەردىڭ لاۋازىمدىق جالاقىلارى 25%-عا كوبەيدى. پەداگوگتەردىڭ لاۋازىمدىق جالاقىلارى جىل سايىن 25%-عا ءوسىپ وتىرادى جانە 4 جىلدىڭ ىشىندە پەداگوگتەردىڭ ەڭبەكاقىلارى ەكى ەسەگە ارتادى.
سونىمەن قاتار, بىلىكتىلىك ساناتى بويىنشا:
پەداگوگتەرگە لاۋازىمدىق جالاقىدان 30-دان 50%-عا دەيىنگى مولشەردە;
مەكتەپ ديرەكتورى مەن ولاردىڭ ورىنباسارلارىنا لاۋازىمدىق جالاقىدان 30-دان 100%-عا دەيىنگى مولشەردە ۇستەماقىلار ەنگىزىلدى.
2020 جىلدىڭ قىركۇيەگىنەن باستاپ داپتەر تەكسەرۋ مەن سىنىپ جەتەكشىلىگى ءۇشىن تولەنەتىن ۇستەماقى كولەمى ەكى ەسەگە ارتادى.
عىلىمي-پەداگوگيكالىق باعىت بويىنشا ماگيستر دارەجەسى بار باستاۋىش, نەگىزگى ورتا, جالپى ورتا ءبىلىم بەرۋ ۇيىمدارىنىڭ مۇعالىمدەرىنە 10 اەك (27 780 تەڭگە) مولشەرىندە قوسىمشا اقى تولەنەدى.
ودان بولەك, باستاۋىش, نەگىزگى ورتا, جالپى ورتا ءبىلىم بەرۋ ۇيىمدارىنىڭ تالىمگەرلىك جۇرگىزەتىن مۇعالىمدەرىنە 17 697 تەڭگە مولشەرىندە ۇستەماقى تولەنەدى.
