بيىلعى 22 شىلدەگە دەيىن, ياعني الماتى قالاسىندا ەپيدەميا باستالعالى بەرى 9634 ادامنىڭ ىندەت جۇقتىرعانى رەسمي تۇردە انىقتالعان. ونىڭ ىشىندە 6281 راستالعان سيمپتومدىق جانە 3353 سيمپتومسىز وقيعا بار. سوڭعى اپتادا جۇقپالى دەتكە شالدىعۋ جاعدايى بىرقالىپتى كورىنەدى.
جالپى ىندەتكە شالدىققانداردىڭ باسىم بولىگى – جاستار, جاس قۇرامى بويىنشا اۋرۋشاڭدىق نەگىزىنەن 20-29 جاستاعىلار اراسىندا – 23,3%, 30-39 جاستاعىلار اراسىندا – 21,1%, ال 60-تان اسقانداردا 14,1% تىركەلگەن.
ىندەتكە شالدىعۋدىڭ سەبەپ-سالدارىنا تالداۋ جۇرگىزگەن كەزدە, 56,1% (6408 جاعداي) جۇمىس ورنىندا ناۋقاستارمەن بايلانىستا بولعاندار, 20,2% (1948 جاعداي) ۇيدەگى ناۋقاستارمەن بايلانىستا بولعانى بەلگىلى بولىپ, 13,0% جاعدايدا ينفەكتسيا كوزدەرى انىقتالماعان (1258 جاعداي).
قالا بويىنشا ءۇي مەكەن-جايلارى مەن ۇيىمداستىرىلعان ۇجىمدار بويىنشا بارلىعى 5302 وشاق تىركەلگەن, بۇگىنگى كۇنى 1591 ىندەت وشاعى بەلسەندىلىگىن جوعالتپاي تۇر. ياعني, بۇل وشاقتاردا مەديتسينالىق باقىلاۋ جۇرگىزۋ جالعاسۋدا, سونداي-اق ءۇي كارانتينى رەجيمى ساقتالىنادى.
بايلانىستا بولعاندارعا ۇنەمى باقىلاۋ جۇرگىزىلەدى, ونىڭ ىشىندە جاقىن بايلانىستا 48 032 ادام, جۇمىس بويىنشا بايلانىستا – 22 231 ادام.
قازىرگى ۋاقىتتا ۇيدە كارانتين جاعدايىندا تۇرعان 7 265 ادامعا مەديتسينالىق باقىلاۋ جالعاسۋدا.
سوڭعى 7 كۇندە اۋرۋشاڭدىق 44,3%-عا ءوستى, بۇل رەتتە اقىلى نەگىزدە تەست تاپسىرۋعا وزدىگىنشە جۇگىنگەن جاعدايلار 942-دەن 1060-قا دەيىن وسكەنى بايقالادى. الدىن الۋ ماقساتىندا تەكسەرۋ كەزىندە 399 جاعداي انىقتالدى.
ەپيدەمياعا قارسى ءىس-شارالاردى ۋاقىتىلى جۇرگىزۋ, بايلانىستا بولعان جاعدايلاردى تەكسەرۋ ناتيجەسىندە 103 جاعدايدان 93 جاعدايعا دەيىن ناۋقاستارمەن بايلانىس بويىنشا تەكسەرۋ جۇرگىزۋ كەزىندە انىقتالعان جاعدايلاردىڭ تومەندەۋى بايقالادى.
قالانىڭ كوشى-قون قىزمەتىنىڭ مالىمەتتەرى بويىنشا 93 جاعدايدىڭ 65,1%-ى (20.07.2020 ج) الماتى قالاسىندا تىركەلگەن, 20,4%-ى (1915 ادام) قالا ماڭىنداعى اۋدانداردا جانە باسقا وڭىرلەردە تىركەلگەن, ونىڭ ىشىندە الماتى وبلىسىنىڭ 74,3%-ى (1422 ادام), باسقا وڭىرلەردە 25,7%-ى (493 ادام) جانە 8,1% - ى (764 ادام) تىركەۋ تۋرالى دەرەكتەر جوق.
ۇيىمداستىرىلعان ۇجىمدار بويىنشا كوروناۆيرۋستىق ينفەكتسيانىڭ تىركەلگەن جاعدايلارىن تەكسەرۋ كەزىندە انىقتالعان جاعدايلاردىڭ 60%-دان استامى وبلىستا تۇراتىن قىزمەتكەرلەر اراسىندا بايقالادى.
قر دسم 2019 جىلعى 16 قىركۇيەكتەگى № 127 بۇيرىعىنىڭ 2 تاراۋىنىڭ 2 تارماعىنا سايكەس اۋرۋلاردى تىركەۋ انىقتالعان جەرى بويىنشا جۇرگىزىلەدى.
قالانىڭ پروۆيزورلىق جانە ينفەكتسيالىق ستاتسيونارلارىنا ەمدەۋگە جاتقىزىلعان ناۋقاستاردى تالداۋ ەمدەلگەن جانە ەمدەۋگە جاتقىزىلعانداردىڭ 60%-ىن قالا ماڭىنداعى اۋداندار مەن باسقا دا وڭىرلەردىڭ تۇرعىندارى قۇرايتىنىن كورسەتتى.
وسى قىزمەت ءتۇرىن اقىلى نەگىزدە كورسەتەتىن زەرتحانالاردىڭ مالىمەتتەرى بويىنشا, ءوتىنىش بىلدىرگەندەردىڭ 40% الماتى وبلىسىنداعى ءۇيىنىڭ مەكەن-جايىن كورسەتتى, ولار كوروناۆيرۋستىق ينفەكتسياعا وڭ ناتيجە كورسەتكەندەردىڭ جالپى سانىنا كىردى, وسىلايشا جاعدايلار سانىن وسۋدە.
مىسالى, 07 شىلدەدەن باستاپ «مپك» جشس, نۇرلى تاۋ جانە حالىق ارەنادا ورنالاسقان زەرتتەۋ ماتەريالدارىن الۋ ءموبيلدى پۋنكتتەردەن باسقا «مولل اپورت» ورتالىعىندا پتر ادىسىمەن كوروناۆيرۋستىق ينفەكتسياعا زەرتتەۋ ماتەريالدارىن الۋ پۋنكتىن ۇيىمداستىردى. اتالمىش پۋنكتتە 2020 جىلدىڭ 19 شىلدەسىنە 1467 سىناما الىنىپ, 628 (42,8%) وڭ ناتيجەمەن, 834 (56,9%) تەرىس ناتيجەمەن شىقتى.
الماتى وبلىسىنا شىعۋ كەزىندە (وبلىس باسشىلىعىنىڭ قاتىسۋىمەن) كوروناۆيرۋستىق ينفەكتسياعا پتر دياگنوستيكاسىن جۇرگىزۋ ماسەلەسىندە كومەك جانە قولداۋ كورسەتۋ تۋرالى شەشىم قابىلداندى.
– قازىرگى ۋاقىتتا قالادا مەملەكەتتىك جانە جەكە زەرتحانالاردىڭ سانى جەتكىلىكتى, ولاردىڭ قۋاتى حالىقتى تولىق تەكسەرۋگە مۇمكىندىك بەرەتىن قۇرال-جابدىقتارمەن, تەستىلەرمەن جانە شىعىن ماتەريالدارىمەن جابدىقتالعان. قازىرگى ۋاقىتتا تاۋلىكتىك كولەمى 3 600-4 000, ال بارلىق زەرتحانالاردىڭ قۋاتى كەزىندە – تاۋلىگىنە 7 200 زەرتتەۋدى قۇرايدى. قۋاتتىلىقتى تاۋلىگىنە 14 200 زەرتتەۋگە دەيىن ارتتىرۋ جوسپارلانۋدا .
قازىرگى جاعدايدى ەسكەرە وتىرىپ, الماتى وبلىسى اۋماعىندا زەرتحانالىق تەكسەرۋدى «نۇر لاب» جشس زەرتحاناسىنا (كۇنىنە 1500 زەرتتەۋگە دەيىن) جۇكتەۋ تۋرالى شەشىم قابىلداندى .
الماتى قالاسىنىڭ زەرتحانالار 376 مىڭ زەرتتەۋ جۇرگىزدى, ونىڭ ىشىندە مەملەكەتتىك تاپسىرىس بويىنشا جانە اقىلى نەگىزدە 159 558 زەرتتەۋ جۇرگىزىلدى, دەدى جانداربەك بەكشين.
الماتى
