№ 2 قالالىق ەمحانا ديرەكتورى ءلاززات رۋسپەكوۆانىڭ ايتۋىنشا, ەمحانا بازاسىندا 290 ناۋقاس ەمدەلىپ شىققان. بۇگىندە 135 ادام مەديتسينالىق كومەك الۋدا, ونىڭ 53-ءى ساۋىعۋ كەزەڭىندە.
ء"دال وسىنداي ناۋقاستار ءۇشىن ءموبيلدى توپتار قاجەت. ءبىز ولاردى تەگىن ءدارى-دارمەكتەرمەن, سونىڭ ىشىندە انتيبيوتيكتەرمەن قامتاماسىز ەتەمىز. ۇيدە ولار قاجەتتى ەمىن سيستەما تۇرىندە الادى. ءموبيلدى توپتىڭ دارىگەرى ولارعا ءۇش كۇندە ءبىر رەت بارادى, جاعدايىن تەكسەرەدى. قاننىڭ وتتەگىمەن قانىعۋ دەڭگەيىن, تەمپەراتۋراسىن ولشەيدى", – دەيدى ءلاززات رۋسپەكوۆا.
سونىمەن قاتار دارىگەرلەر مۇنداي ناۋقاستارعا Damumed قوسىمشاسى ارقىلى قوڭىراۋ شالىپ, جاعدايىن ءبىلىپ وتىرادى. بارلىق ناۋقاستار قاشىقتان ساتۋراتسيا مەن تەرمومەتريانىڭ قانداي ەكەنىن انىقتايتىن پۋلتومەترمەن قامتاماسىز ەتىلگەن. ەمحانا باسشىسى سونداي-اق, وتكەن اپتادان باستاپ ولارعا ءموبيلدى بريگادالارعا ءوز كولىكتەرىن ۇسىناتىن ەرىكتىلەر كەلگەنىن اتاپ ءوتتى. مۇنداي جۇمىستار نۇر-سۇلتان اكىمدىگىنىڭ قاتىسۋىمەن دە ۇيىمداستىرىلۋدا.
ەستەرىڭىزگە سالا كەتەيىك, ماۋسىم ايىنان باستاپ دەنساۋلىق ساقتاۋ مينيسترلىگىنىڭ بۇيرىعىمەن, كوروناۆيرۋس پەن پنەۆمونياعا شالدىققان ناۋقاستارعا كومەك كورسەتۋ ءۇشىن ءموبيلدى بريگادالار قۇرىلعان.
بۇگىندە نۇر-سۇلتاندا 200-گە جۋىق ءموبيلدى بريگادا جۇمىس ىستەيدى. بريگادا بەس مىڭ تۇرعىنعا ءبىر ءموبيلدى توپ ەسەبىمەن قۇرىلدى.
