ء"بىز پنەۆمونيانى, كوروناۆيرۋستى پنەۆمونيانى جانە كوروناۆيرۋستى ەمدەۋگە ارنالعان بەس نەگىزگى فارماتسەۆتيكالىق پرەپاراتتى قوسۋ بويىنشا ماسەلەنى قاراستىرۋدامىز. بۇل انتيكواگۋليانتتار, دەنە قىزۋىن تۇسىرەتىن پرەپاراتتار جانە انتيبيوتيكتەر", - دەدى تسوي.
ونىڭ ايتۋىنشا, بۇل حالىق ءدارىحانالار ارقىلى ىزدەپ جۇرگەن نەگىزگى توپتاعى دارىلەر.
"بۇل پرەپاراتتار الدىمەن مەديتسينا قىزمەتكەرلەرىنىڭ ساراپتاماسىنان ءوتۋى كەرەك. اۋرۋدىڭ جەڭىل ءتۇرىن دارىگەردىڭ باقىلاۋىمەن ەمدەۋ ءۇشىن ءبىز وسى ءدارى-دارمەكتەردى ۇيدە ەمدەۋ ستاندارتىنا قوسقىمىز كەلەدى. قازىر دارىلەردى جەتكىزۋ ماسەلەسىن قاراستىرىپ جاتىرمىز", - دەدى ول.
ايتا كەتەيىك, قازاقستاندا كوروناۆيرۋستان بىردە-ءبىر بالا قايتىس بولعان جوق.
