مەديتسينا • 21 شىلدە، 2020

ماسق-تىڭ ەلورداداعى فيليالى ۆيرۋسپەن كۇرەسكە 169،2 ملن تەڭگە قارجى ءبولدى

192 رەت كورسەتىلدى

الەۋمەتتىك مەديتسينالىق ساقتاندىرۋ قورىنىڭ  نۇر-سۇلتان قالاسى بويىنشا فيليالى ناۋرىز-ماۋسىم ايى ارالىعىندا كوروناۆيرۋس ينفەكتسياسىن دياگنوستيكالاۋ ءۇشىن 13،7 مىڭ پتسر-زەرتتەۋلەرىنە 169،2 ملن تەڭگە قارجى ءبولدى، دەپ حابارلايدى Egemen.kz

"سولاردىڭ ىشىندە 6،2 مىڭ تەست ستاتسيونارلاردا، 7،5 مىڭ تەست امسك دارىگەرلەرىنىڭ جولداماسى بويىنشا جۇرگىزىلدى. پتسر-تەستىلەۋ حالىققا قولجەتىمدى بولۋ ءۇشىن قور فيليالى اتالعان قىزمەت ءتۇرىن ۇسىنا الاتىن زەرتحاناسى بار  9 مەديتسينا ۇيىمىن ىسكە تارتتى" – دەيدى ماسق-تىڭ نۇر-سۇلتان قالاسى بويىنشا فيليال ديرەكتورى ايدار سيتكازينوۆ.

دەنساۋلىق ساقتاۋ مينيسترلىگىنىڭ مالىمەتىنشە، زەرتحانالار سانىن 59-عا ارتتىرۋ ناتيجەسىندە قازىر زەرتحانالار تاۋلىگىنە 32 000 تەست جاساي الادى. سونىڭ ىشىندە سانيتارلىق-ەپيدەميالىق قىزمەت جەلىسى بويىنشا - 23، جەكە مەديتسينالىق زەرتحانالار - 20،  مەديتسينالىق ۇيىمدارداعى زەرتحانالار - 16.

ەسكەرتە كەتەتىن جايت،  تومەندە كورسەتىلگەن توپتار تمككك جانە ءمامس قاراجاتى ەسەبىنەن پتسر-تەستىلەۋدەن تەگىن وتەدى:

ءبىرىنشى كەزەكتە - ينفەكتسيالىق ستاتسيونارلاردا جاتقان پاتسيەنتتەر. دياگنوزدى راستاپ، ەمدەۋ الگوريتمىن قولدانۋ ءۇشىن ولار شۇعىل تۇردە تەكسەرىلۋى كەرەك;

كەلەسى سانات -   پروۆيزورلىق ستاتسيونارداعى COVID-كە كۇدىك بار پاتسيەنتتەر. ولاردا  بەلگىلى ءبىر سيمپتومدار بولادى، سوندىقتان ناقتى دياگنوز قويۋ كەرەك;

سودان كەيىن ،  ەمدەۋشى ۋچاسكەلىك دارىگەردىڭ جولداماسىمەن بارعان جرۆي جانە پنەۆمونيا سيمپتومدارى بار ازاماتتار.

جوعارىدا اتالعان توپتاردى تەستىلەۋ ءۇشىن قور ەمحانالارمەن، وتباسىلىق امبۋلاتوريالارمەن كەلىسىمشارت جاسادى، ال ولار ءوز كەزەگىندە زەرتحانالارمەن كەلىسىمشارت جاسالدى. تەستىلەۋ كارانتين يزولياتورىنا جاتقىزىلعان ۆيرۋستىڭ سيمپتومسىز تاسىمالداۋشىلارىنا دا جاسالادى.

بۇدان باسقا،  جوسپارلى ەمدەۋگە جاتاتىن پاتسيەنتتەر دە (جۇكتى ايەلدەر، شۇعىل ەمگە جاتقىزىلاتىن  پاتسيەنتتەر) پتر-تەست تاپسىرادى.

مەديتسينالىق ساقتاندىرۋ قورى كورسەتىلگەن قىزمەتتەرگە اقى تولەۋ بويىنشا مەديتسينالىق ۇيىمدار الدىنداعى ءوزىنىڭ بارلىق مىندەتتەمەلەرىن ورىندادى. قىزمەتتەرگە اقى تولەۋ مەديتسينالىق اقپاراتتىق جۇيەلەردىڭ كومەگىمەن دەنساۋلىق ساقتاۋ مينيسترلىگى بەكىتكەن تاريفتەر بويىنشا جۇرگىزىلەدى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار