وسى باعىتتا جۇرگىزىلىپ جاتقان جۇمىستار تۋرالى "اتامەكەن" ۇكپ باسقارما توراعاسى ا. مىرزاحمەتوۆ, "قاراپايىم زاتتار ەكونوميكاسى" باعدارلاماسى اياسىندا ەكىنشى دەڭگەيلى بانكتەردىڭ بيزنەس-ۇدەرىستەرىن وڭتايلاندىرۋ تۋرالى قازاقستان قارجىگەرلەرى قاۋىمداستىعى كەڭەسىنىڭ ءتورايىمى ە. باحمۋتوۆا, قۇرىلىستاعى قازاقستاندىق قامتۋدى دامىتۋ تۋرالى يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, رەتتەلەتىن ساتىپ الۋلارداعى جەرگىلىكتى قامتۋدىڭ تيىمدىلىگىن ارتتىرۋ جونىندەگى شارالار تۋرالى قارجى ءمينيسترى ە. جاماۋباەۆ, "سامۇرىق-قازىنا" ۇاق ساتىپ الۋلارىنداعى جەرگىلىكتى قامتۋ تۋرالى قوردىڭ باسقارما توراعاسى ا. ەسىموۆ باياندادى.
"قاراپايىم زاتتار ەكونوميكاسى» باعدارلاماسىنىڭ شەڭبەرىندە 491,5 ملرد تەڭگەگە 2 مىڭنان اسا جوبا ماقۇلداندى. الماتى, قاراعاندى, قوستاناي وبلىستارى قازاقستاندىق قامتۋ بويىنشا (جەكەلەگەن سالالاردا 70%-دان استام) ۇزدىك وڭىرلەر بولىپ وتىر. اقمولا, اتىراۋ, جامبىل, ماڭعىستاۋ وبلىستارى, نۇر-سۇلتان, شىمكەنت قالالارى ارتتا قالعان. قۇرىلىس سالاسىنىڭ قارقىندى دامۋىنىڭ ارقاسىندا سوڭعى 10 جىلدا قۇرىلىس ماتەريالدارىن ءوندىرۋ كولەمى 3,3 ەسەگە - 176 ملرد تەڭگەدەن 586 ملرد تەڭگەگە دەيىن ارتتى.
ۇكىمەت باسشىسى راسىمدىك توسقاۋىلداردى جويۋ بويىنشا قارجى نارىعىن رەتتەۋ جانە دامىتۋ اگەنتتىگىنە قارجىگەرلەر قاۋىمداستىعىمەن جانە ەكىنشى دەڭگەيلى بانكتەرمەن بىرلەسىپ "قاراپايىم زاتتار ەكونوميكاسى" باعدارلاماسى بويىنشا بانكتەردىڭ بيزنەس پروتسەستەرىن وڭتايلاندىرۋدى - نەسيە وتىنىمدەرىن قاراۋ مەرزىمىن, قۇجاتتار تىزبەسىن قىسقارتۋ جانە كەپىل ساياساتىن جەڭىلدەتۋ مۇمكىندىگىن قاراستىرۋدى تاپسىردى.
قۇرىلىس سالاسىندا دا جەرگىلىكتى قامتۋ ۇلەسىن ارتتىرۋ ماقساتىندا ۇكىمەت باسشىسى يندۋستريا جانە ينفراقۇرىلىمدىق دامۋ مينيسترلىگىنە بارلىق تاراپتاردىڭ جاۋاپكەرشىلىگىن كۇشەيتۋ جونىندەگى ءتيىستى زاڭنامالىق جانە نورماتيۆتىك وزگەرىستەردى پىسىقتاۋدى جۇكتەدى.
پرەمەر-مينيستر قارجى مينيسترلىگىنە "اتامەكەن" ۇكپ جانە مۇددەلى مەملەكەتتىك ورگاندارمەن بىرلەسىپ ءبىر اپتا مەرزىمدە وتاندىق تاۋار وندىرۋشىلەردىڭ مەملەكەتتىك جانە كۆازيمەملەكەتتىك سەكتوردىڭ ساتىپ الۋىنا قاتىسۋىنا كەدەرگى كەلتىرەتىن بارلىق جۇيەلىك توسقاۋىلداردى جويۋ جونىندەگى ءىس-قيمىل الگوريتمىن دايىنداۋدى تاپسىردى.
ۇكىمەت باسشىسى اكىمدىكتەر ءۇشىن مىسال رەتىندە "سامۇرىق-قازىنا" قورىنىڭ وتاندىق ءوندىرىس تاۋارلارىن قولدانۋ جانە دۇرىس ەسەپتىلىك بويىنشا ناقتى تالاپتارىن كەلتىردى, بۇل جەرگىلىكتى قامتۋ ۇلەسىنىڭ 69% جوعارى كورسەتكىشىنە قول جەتكىزۋگە مۇمكىندىك بەردى.
پرەمەر-مينيستر مەملەكەت باسشىسىنىڭ تاپسىرماسى بويىنشا بيزنەستىڭ قارسى مىندەتتەمەلەرىن تسيفرلىق باقىلاۋ جۇمىسىن ەكى اي ىشىندە اياقتاۋ قاجەت ەكەنىن اتاپ ءوتتى. وسىعان بايلانىستى ۇكىمەت باسشىسى مەملەكەتتىك قولداۋدىڭ ءار شاراسى بويىنشا ءتيىستى زاڭنامالىق تۇزەتۋلەر پاكەتىن دايىنداۋدى تاپسىردى. بۇل رەتتە "اتامەكەن" ۇكپ تسيفرلىق پلاتفورماسىنىڭ بازاسىندا بيزنەستىڭ قارسى مىندەتتەمەلەرىنە مونيتورينگ جۇرگىزۋ جونىندەگى پيلوتتىق جوبانى ىسكە قوسۋ جۇزەگە اسىرىلاتىن بولادى.
