كەزدەسۋ بارىسىندا تاراپتار ەكى ەلدەگى ەپيدەميالىق جاعدايدى, پاندەميانىڭ دامۋ ەرەكشەلىكتەرىن جانە كوروناۆيرۋس جۇقتىرعان پاتسيەنتتەرگە مەديتسينالىق كومەك كورسەتۋ, قازاقستان مەن كورەيانىڭ ىنتىماقتاستىعىنا قاتىستى وزەكتى ماسەلەلەردى, ونىڭ ىشىندە دەنساۋلىق ساقتاۋ, مەديتسينالىق ءبىلىم جانە عىلىم سالاسىنداعى تاجىريبە مەن ءبىلىم الماسۋدى تالقىلادى.
كورەي تاراپى COVID-19-عا قارسى كۇرەستەگى تاجىريبەسىمەن جانە ينفەكتسيالىق اۋرۋلاردىڭ بولاشاقتا ءورشىپ كەتۋىنە جول بەرمەۋ ءۇشىن دەنساۋلىق ساقتاۋ جۇيەسىن نىعايتۋ بويىنشا شارالارمەن ءبولىستى.
ا.تسويدىڭ ايتۋىنشا, حالىقارالىق ىنتىماقتاستىق پەن ءوزارا قولداۋ COVID-19-عا قارسى كۇرەستە ۇلكەن ماڭىزعا يە. كورەيانىڭ كوروناۆيرۋسپەن كۇرەستە تاجىريبەسى مول, سوندىقتان ىنتىماقتاستىق پاندەمياعا بايلانىستى تۋىنداعان بىرقاتار پروبلەمانى شەشۋگە, اسىرەسە COVID-19-دى باقىلاۋ ىسىندە ءبىلىم مەن وزىق تاجىريبەلەردى الماسۋعا كومەكتەسەدى.
كەزدەسۋ قورىتىندىسى بويىنشا دەنساۋلىق ساقتاۋ سالاسىنداعى قازاقستان-كورەيا ىنتىماقتاستىعىن ودان ءارى دامىتۋ, اتاپ ايتقاندا COVID-19 بويىنشا ءادىسناما, جاعدايدى بولجاۋ, مودەلدەۋ جانە ت.ب. بويىنشا ونلاين رەجىمدە مامانداردى وقىتۋ سەمينارلارىن وتكىزۋ جونىندەگى ۋاعدالاستىققا قول جەتكىزىلدى. سونداي-اق تاراپتار ەكىجاقتى ىنتىماقتاستىقتى قىسقا مەرزىمدى, ورتا مەرزىمدى جانە ۇزاق مەرزىمدى پەرسپەكتيۆالاردى ستراتەگيالىق دامىتۋ تۋرالى شەشىم قابىلدادى. بۇل ءوزارا ءتيىمدى ارىپتەستىككە سەرپىن بەرەدى.
