پاندەميا كەزىندە ءوز ومىرلەرىن قاتەرگە تىگىپ, تالاي جاندى اجالدان اراشالاپ قالعان سالا وكىلدەرىنە جاستار اتىنان العىس ءبىلدىرۋ شاراسىنا «اۆتو-ليدەر» كومپانياسىنىڭ جەتەكشىسى, جاس كاسىپكەر نۇربولات يبراەۆ قولداۋ تانىتتى.
– وسىنىڭ الدىندا قازالى اۋدانىندا وتكەن شارا جاڭاقورعاندا جالعاسىپ جاتىر. الدا وبلىس ورتالىعىندا ۇيىمداستىرامىز. ارينە, دەرتتىڭ دەندەمەۋىنە بارىن سالىپ, ءار ناۋقاستىڭ ءومىرى ءۇشىن كۇرەسىپ جۇرگەن دارىگەرلەرگە قانداي قۇرمەت كورسەتسەك تە جاراسادى. وسى سالا وكىلدەرىنە ارنالعان شارانى وتكىزۋدە ايماق ەرىكتىلەرىنىڭ ىقىلاسى ەرەكشە بولىپ وتىر, – دەيدى Jas Otan جاستار قاناتى قىزىلوردا وبلىستىق فيليالىنىڭ توراعاسى الىشەر قارداشوۆ.
وزدەرىنە كورسەتىلگەن قۇرمەتكە دارىگەرلەر دە العىسىن جەتكىزىپ, ىندەتتى اۋىزدىقتاۋعا جۇمىلعان جاستار باستاماسىنا ساتتىلىك تىلەدى.
قىزىلوردا وبلىسى
