بيىل ەكىنشى توقساندا كومپانيا وكىلدەرى جوبانى ىسكە اسىرۋدىڭ بەلسەندى كەزەڭىنە كىرىستى, نيدەرلاندىدان اكەلىنگەن المۇرت, قارا ورىك, شيە, الما, قاسقىرجەم, كوكجيدەك, قاراقات جانە قۇلپىناي بارلىعى – 8 داقىل وتىرعىزىلدى.
«KAZAKH INVEST» ۇك» اق قازاقستان رەسپۋبليكاسىنىڭ اۋماعىنا جابدىقتاردى جەتكىزۋگە جانە كەدەندىك راسىمدەردەن وتۋگە بايلانىستى ماسەلەلەردى شەشۋگە كومەك كورسەتتى. ەستەرىڭىزگە سالا كەتەيىك, ينۆەستيتسيا تارتۋ بويىنشا بىرىڭعاي وپەراتور ينۆەستورلارعا 24/7 رەجىمىندە كومەك كورسەتەدى.
Dutch Fruit Solutions Kazakhstan جوباسى قازاقستانداعى ءتيىمدى جانە تۇراقتى جەمىس-جيدەك سەكتورىن دامىتۋعا جاردەمدەسۋ ءۇشىن نيدەرلاندى كورولدىگىنىڭ ۇكىمەتى جانە كومپانيالار توبىمەن قۇرىلدى. قازىرگى ۋاقىتتا كونسورتسيۋمعا 14 نيدەرلاندتىق كومپانيا كىرەدى, ولاردىڭ ارقايسىسىندا زاماناۋي شەشىمدەر مەن جاڭا تەحنولوگيالار بار.
Dutch Fruit Solutions Kazakhstan قازاقستاننىڭ جەمىس-جيدەك سەكتورىنداعى عىلىمي-زەرتتەۋ ۇيىمدارىمەن ىنتىماقتاستىق تۋرالى كەلىسىم جاساسۋعا باعىتتالعان, ول قاتتى, سۇيەك جەمىستەرى مەن جيدەك داقىلدارىن ءوسىرۋ بولىگىندە قولدانىستاعى جەمىس شارۋاشىلىعى جۇيەسىن جاڭارتۋعا جانە كەڭەيتۋگە باعىتتالعان: ياعني ۆيرۋستارسىز وتىرعىزۋ ماتەريالى, قارقىندى جەمىس باقتارىن جوبالاۋ جانە ىسكە اسىرۋ. جوبا ءونىمدى جيناۋ كەزىندە جانە ودان كەيىنگى قىزمەتتى وڭتايلاندىرۋدى قامتيدى.
جوبانىڭ ماقساتى – تامشىلاتىپ سۋارۋ تەحنولوگياسى جانە جوعارى تەحنولوگيالىق جەمىس باعى بار دەمونستراتسيالىق اۋماقتى قۇرۋ, وندا نيدەرلاندىدان باعباندىق سالاداعى ۇزدىك تەحنولوگيالار كورسەتىلەدى. دەمونستراتسيالىق اۋماقتا وتىرعىزۋ ماتەريالدارىن, الما, المۇرت, قارا ورىك, ورىك, شيە كوشەتتەرىن ورنالاستىرۋ جوسپارلانۋدا. سونداي-اق قاراقات, كوگەرشىن, قۇلپىناي جانە قاسقىرجەم بار ۋچاسكەلەر جوسپارلانعان. بۇدان باسقا, نيدەرلاندى تاراپى اگراريالاردى زاماناۋي وتىرعىزۋ ماتەريالدارىمەن جانە وڭدەۋ تەحنولوگيالارىمەن قامتاماسىز ەتەدى, جينالعان ءونىمدى قازاقستاننىڭ جەمىس-جيدەك سەكتورىندا ساقتاۋعا جانە وڭدەۋگە كومەكتەسەدى. بۇل شارالار جەمىس شارۋاشىلىعى ونىمدەرىنىڭ ونىمدىلىگى مەن ساپاسىن ارتتىرۋعا, سونداي-اق ونىڭ تاعامدىق قاۋىپسىزدىگىن جاقسارتۋعا مۇمكىندىك بەرەدى. Dfsk كونسورتسيۋمى اياسىندا نيدەرلاندىنىڭ جەتەكشى ۋنيۆەرسيتەتتەرى مەن ينستيتۋتتارى ۆ2ۆ سەگمەنتىندە عانا ەمەس, قازاقستاندىق اگرارلىق ينستيتۋتتارمەن ىنتىماقتاسادى. بۇل تىزبەكتەگى ءۇشىنشى بۋىن – فيتوسانيتاريا جانە كارانتيندىك ينسپەكتسيالار بويىنشا اۋىل شارۋاشىلىعىنىڭ ءتۇرلى باعىتتارى بويىنشا مەملەكەتتىك دەڭگەيدەگى ىنتىماقتاستىق.
2019 جىلدىڭ قازان ايىندا قازاقستان پرەمەر-ءمينيسترى اسقار ءماميننىڭ نيدەرلاند كورولدىگىنە رەسمي ساپارى بارىسىندا نيدەرلاندى كورولدىگىنىڭ پرەمەر-ءمينيسترى مارك ريۋتتەمەن كەزدەسۋ ءوتتى. كەلىسسوزدەر بارىسىندا تاراپتار ەكىجاقتى ينۆەستيتسيالىق جانە ساۋدا-ەكونوميكالىق ىنتىماقتاستىقتىڭ پەرسپەكتيۆالارىن تالقىلادى. سونىمەن قاتار قازاقستان پرەمەر-ءمينيسترى اسقار مامين قازاقستان-نيدەرلانديا بيزنەس-فورۋمىنا قاتىسىپ, Shell, BITFURY, SUEZ GROUP, Farm Frites, Dutch Fruit Solutions Kazakhstan كومپانيالارىمەن كەلىسسوزدەر جۇرگىزىپ, بىرقاتار يننوۆاتسيالىق نىسانداردى ارالادى.
بىلتىر نيدەرلاندىدا قازاق جەمىس-كوكونىس شارۋاشىلىعى عىلىمي-زەرتتەۋ ينستيتۋتى (قازجكشعزي) مەن نيدەرلاندىدان كەلگەن سەرىكتەستەر Dutch Fruit Solutions Kazakhstan اراسىندا وزىق تەحنولوگيالاردى قولدانا وتىرىپ, تالعار اۋدانىندا ينستيتۋت اۋماعىندا اۋماعى 2 گەكتار بولاتىن دەمونستراتسيالىق ۋچاسكە قۇرۋ تۋرالى كەلىسىمگە قول قويىلدى.
