تاۋلىگىنە 1 500 تەست جاسايتىن بۇل نىسان "وليمپ" كدز مەن "ارسەلورميتتال تەمىرتاۋ" اق-نىڭ بىرلەسىپ قارجىلاندىرۋىنىڭ ارقاسىندا ىسكە قوسىلدى. تەمىرتاۋداعى جۇقپالى اۋرۋلار اۋرۋحاناسىنىڭ عيماراتىندا ورنالاسقان اتالعان زەرتحانا رەسەي, گەرمانيا, اقش جانە قىتايدا جاسالعان بارلىق قاجەتتى زاماناۋي قۇرالدارمەن جابدىقتالعان.
مۇندا قالانىڭ ستاتسيونارلارى مەن ەمحانالارىندا الىنعان تەستىلەر جىبەرىلەتىن بولادى. تەمىرتاۋ قالاسىنىڭ اكىمدىگى مەن قاراعاندى وبلىسىنىڭ دەنساۋلىق ساقتاۋ باسقارماسى جوباعا قولداۋ كورسەتىپ, وعان عيمارات تاۋىپ بەردى.
وبلىستىق دەنساۋلىق ساقتاۋ باسقارماسىنىڭ باسشىسى ەرجان نۇرلىباەۆ بۇگىنگى كۇردەلى كەزەڭدە پتر-زەرتحانالارىنىڭ اشىلۋىن وتە ماڭىزدى شارۋا دەپ اتاپ ءوتتى.
"مەملەكەت باسشىسىنىڭ تاپسىرماسىنا سايكەس, ءبىز ازاماتتارىمىزدىڭ بارىنشا كوپ سانىن تەستىلەۋمەن قامتۋعا تىرىسامىز. قىركۇيەك ايىندا ءبىزدىڭ وبلىستا بارلىق ءىرى ەلدى مەكەندەردى قامتيتىن زەرتحانالار جەلىسى قۇرىلاتىن بولادى", – دەدى ول.
بۇل نىسان بيىلعى جىلدىڭ ناۋرىز ايىنان بەرى قاراعاندى وبلىسىندا اشىلعان ءتورتىنشى پتر-زەرتحانا. كەلەسى زەرتحانا وسى جىلدىڭ قىركۇيەك ايىندا بالقاش قالاسىندا پايدالانۋعا بەرىلەدى دەپ جوسپارلانعان.
