ەلوردا • 20 شىلدە، 2020

نۇر-سۇلتاندا مەديتسينا مەكەمەلەرىنە COVID-19-دى ەمدەۋگە ارنالعان جابدىقتار ءتۇستى

1 رەت كورسەتىلدى

ەلوردا اۋرۋحانالارى مەن ەمحانالارىنا كوروناۆيرۋس پەن پنەۆمونيانى ەمدەۋ ءۇشىن قوسىمشا مەديتسينالىق جابدىقتار ءتۇستى، - دەپ حابارلايدى Egemen.kz.

ولاردىڭ ىشىندە 150 فلۋومەتر، 350-دەن استام وتتەگى كونتسەنتراتورى، تاياۋ كۇندەرى وكپەنى جاساندى جەلدەتۋگە ارنالعان 50 اپپارات كەلىپ تۇسەدى. مەملەكەت باسشىسى Covid-19-عا قارسى كۇرەس ماسەلەسى تۋرالى كەڭەستە مەديتسينا مەكەمەلەرىن وتتەگىمەن جانە باسقا دا مەديتسينالىق جابدىقتارمەن قامتاماسىز ەتۋدى تاپسىردى. جاقىن كۇندەرى قالا اۋرۋحانالارى مەن ەمحانالارىنا تاعى 250-دەن استام وتتەگى كونتسەنتراتى، 350 فلۋومەتر، 2 كومپيۋتەرلىك توموگراف جانە ت.ب. جابدىقتار كەلىپ تۇسەدى.

قالا اكىمى التاي كولگىنوۆ ەمحانا مەن اۋرۋحاناداردىڭ باس دارىگەرلەرىمەن ونلاين جينالىس وتكىزدى. مەديتسينا قىزمەتكەرلەرى قالادا قاتاڭ كارانتين شارالارى ەنگىزىلگەننەن باستاپ، دارىگەرلەر مەن مەديتسينا مەكەمەلەرىنە جۇكتەمە ازايعانىن اتاپ ءوتتى. مىسالى، جەدەل جاردەم ستانتسياسىنا تۇسەتىن شاقىرۋ سانى 3 مىڭنان 1 300-گە دەيىن، ەكى ەسە ازايعان.

ەلوردا اكىمى التاي كولگىنوۆ ەمحانالاردا امبۋلاتوريالىق ەمدەۋدى كۇشەيتۋدى جالعاستىرۋ قاجەتىن اتاپ ءوتتى. سەبەبى ناۋقاستاردىڭ 60%-دان استامى ءبىرىنشى كەزەكتە قالاداعى ەمحانالارعا جۇگىنەدى. جۇقپالى اۋرۋلار ستاتسيونارلارىنىڭ دارىگەرلەرى تەلەمەديتسينا قۇرالدارىن پايدالانا وتىرىپ، Covid-19-بەن كۇرەسۋدە ءوز تاجىريبەلەرىمەن الماسۋدا. سونداي-اق تەلەمەديتسينا اياسىندا ونلاين-كونسۋلتاتسيالار وتكىزۋ جالعاسۋدا. مەديتسينا قىزمەتكەرلەرى جوسپارلى ەمدەۋگە جاتۋى كەرەك ناۋقاستاردىڭ دەنساۋلىق جاعدايىن قاداعالاۋدا، قاجەت بولعان جاعدايدا ەمدەۋگە جاتقىزادى. وسى اپتادا ەلورداعا COVID-19، پنەۆمونيا جانە باسقا دا بىرقاتار اۋرۋلاردى ەمدەۋ ءۇشىن قاجەتتى 80 توننا ءدارى اكەلىندى.
سونداي-اق بۇگىن-ەرتەڭ ءدارى-دارمەكتەردىڭ كەزەكتى پارتياسى كۇتىلۋدە. مەديكامەنتتەر قورىن تولىقتىرۋ، قوسىمشا مەديتسينالىق جابدىقتار ساتىپ الۋ، جاڭا ينفەكتسيالىق توسەك-ورىن دايىنداۋ ماسەلەلەرى باقىلاۋعا الىنعان.

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار